شەهید محەمەد تۆفیق ناسراوە بە حەمە چاوجوان، لە ساڵی ١٩٥١ لە ناحیەی خورماڵی سەربە پارێزگای هەڵەبجە لە دایکبووە، دانیشتووی خورماڵ و کاسبی ناو بازاڕ بووە، قوتابی قۆناغی ناوەندی بووە، محەمەد تۆفیق خێزاندار بووە و خێزانی ناوی شکۆفە سەعید بووە و خاوەنی یەک کچ بووە بە ناوی ڕێزان.
شەهید محەمەد تۆفیق لە ساڵی ١٩٦٨ بۆتە پێشمەرگەی شۆڕشی ئەیلوول و پەیوەندی بە لقی پێنجی بەتالیۆنی حەوتی بیارەی سەربە هێزی خەباتی پارتی دیموکراتی کوردستان کردووە، کە لەوکاتەدا حسێن بەگی جوانڕۆیی سەرلق و جەمال نامیق فەرماندەی بەتالیۆن بووە.
بەشداری شەڕی جاشە کۆڵوانە سورەکان لە عەبابەیلێ و چیای شنروێ ساڵی ١٩٦٩، شەڕی دەربەندیخان ساڵی ١٩٧٤، شەڕی دەروازی عەربەت ساڵی ١٩٧٤، شەڕی حاجی ئۆمەران ساڵی ١٩٧٤، شەڕی سەرتیز ساڵی ١٩٧٤، شەڕی چیای زۆزک ساڵی ١٩٧٤ کردووە.
لە ٢٧ی تشرینی یەکەمی ١٩٧٤ لە ئەنجامی تۆپبارانی تۆپخانەکانی ڕژێمی ئەوکاتی عێراق بۆسەر سەنگەرەکانی هێزی پێشمەرگە لە چیای زۆزک، محەمەد تۆفیق شەهید بووە.
سەرچاوە:
١.ئەرشیفى دەستەى ئینسکلۆپیدیاى پارتى دیموکراتى کوردستان.
