ساڵى ١٩٦٥ لە حاجى ئۆمەران چاوى بە مەلا مستەفا بارزانی دەکەوێت و پەیوەندى بە هێزى پێشمەرگەى شۆڕشی ئەیلوول دەکات و لە بەتالیۆنى ٣ی هێزى باڵەک بە فەرماندەیی مەلائەمین دەبێتە پێشمەرگە، لەبەر لێهاتوویی و ئازایەتى هەر زوو دەکرێتە سەرلق. بەشدارى زۆربەى شەڕەکانى دەڤەرى ڕواندز و دیاناى کردووە، ساڵى ١٩٧٤ لە کاتى هێرشى سوپاى عێراق لە سەر چیاى کۆڕەک بەرەو بێخاڵ و شارى ڕواندز لە ئەنجامى بەرگرییەکى بێ وێنەدا شەهید کراوە، لەلایەن پێشمەرگەکانى تەرمەکەیان لەژێر دەستى سەربازەکانى سوپاى عێراق دەرباز کردووە و بردوویانەتە گوندى فەقیان و لەوێ بەخاک سپێردراوە.
سەرچاوە:
١-ئەرشیفى دەستەى ئینسکلۆپیدیاى پارتى دیموکراتى کوردستان.
