غازی محەمەد عارف ناسراوە بە غازی شێخ محەمەوی میری سور، ساڵی ١٩٥٧ لە گوندی میری سوری سەربە ناحیەی خورماڵ لە دایکبووە، گوندنشین بووە و سەرقاڵی کاری جوتیاری بووە، تاقۆناغی سه‌ره‌تایی خوێندوویه‌تی، لە دوای نسکۆی شۆڕشی ئەیلوول ئاوارەی وڵاتی ئێران بووە و لە شاری مەریوان نیشتەجێ بووە.
ساڵی ١٩٧٧ بۆتە پێشمەرگە لە بەتالیۆنی شەهید ئەبوبەکر بانی بنۆکی کە سەربە هێزی سورێنی لێژنە ناوچەی دەربەندیخانی لقی چواری پارتی دیموکراتی کوردستان بووە، بەشداری شەڕی دیموکراتی ئێران، شەڕی کانێسکان، چالاکی پارتیزانی دەشتی شارەزوور کردووە، لە ساڵی ١٩٧٩ پلەی فەرماندەی مەفرەزەی وەرگرتووە.
لە ٨ی تشرینی یەکەمی ١٩٨١ لە گوندی قایەری مارف لە دەشتی شارەزوور لەگەڵ دوو هاوسەنگەری کەوتوونەتە بۆسەی هیزێكی یه‌كێتی و غازی محەمەد عارف و دوو هاوسەنگەری كه یه‌كیكیان برای خۆی بووه بە ناوی سەباح شێخ محەمەد و جەمال بانی بنۆکی شەهید بوونە.
سەرچاوە:
- ئەرشیفی دەستەی ئینسکلۆپیدیای پارتی دیموکراتی کوردستان.
