ژیاننامە
شەهید عەینەدین عارف خوادار قادر، ساڵی ١٩٦٧ لە گوندی ئاوایی ڕۆستەم بەگی سەر بە ناحیەی خورماڵ لە دایکبووە، گوندنشین بووە و سەرقاڵی کاری جوتیاری گوند بووە، ئاستی خوێندەواری سەرەتایی بووە، عەینەدین عارف خوادار، ساڵی ١٩٨٤ شەهید بووە.
خەباتنامە
شەهید عەینەدین عارف، ساڵی ١٩٨٢ بۆتە پێشمەرگە لە باڵی سەربازی ڕێکخراوی عەبابەیڵی، کە سەر بە لێژنە ناوچەی هەڵەبجەی لقی چواری پارتی دیموکراتی کوردستان بووە، لەوکاتدا حەمەتەقێ بەرپرسی ڕێکخراو بووە و حیکمەتی مەلا عەلی بەرپرسی ناوچە بووە.
ساڵی ١٩٨٣ گوازراوەتە بۆ کەرتی عومەر غەمگین، کە سەر بە هێزی سورێنی پارتی دیموکراتی کوردستان بووە و مەلا عومەری بانی بنۆک فەرماندەی هێز بووە، عەینەدین عارف لەم گواستنەوەیەدا پلەی سەردەستەی وەرگرتووە.
لە ٥ی ئایاری ١٩٨٤ لە ڕێگەی نێوان خۆرنەوازان بۆ وشکەناو لە دەڤەری هەورامان، عەینەدین عارف و هاوسەنگەرێکی بەناوی ڕەحیم کە پلەی فەرماندەی کەرت بووە لە هێزی سورێن، کەوتوونەتە بۆسەی جاشی ڕژێمی بەعس و شەهید بوونە.
سەرچاوە:
ئەرشیفی دەستەی ئینسکلۆپیدیای پارتی پارتی دیموکراتی کوردستان.
