شەهید عەلی کاکە برا حەیدەر، ساڵی ١٩٣١ لە گوندی نەمەڵی سەربە ناحیەی عەربەتی پارێزگای سلێمانی لە دایک بووە، گوندنشین و سەرقاڵی کاری ئاژەڵداری و جووتیاری بووە، تا قۆناغى سەرەتایی خوێندوویەتی. خێزاندار بووە و خاوەنی یەک کچ بووە.
ساڵی ١٩٦٨ پەیوەندى بە هێزى پێشمەرگە شۆڕشی ئەیلوول کردووە، لە لقی دووی بەتالیۆنی ٣ی سورداشی هێزی ڕزگاری پارتی دیموکراتی کوردستان بۆتە پێشمەرگە، ساڵی ١٩٦٩ بەشداری شەڕی چیای ئەزمەڕی کردووە و تێدا فیشەک بەر قاچی ڕاستی کەوتووە و قاچی شکاوە، دوای وەرگرتنی چارەسەر، بۆ پشودان چووەتە ماڵى خۆى لە گوندى ئەمەل. لەلایەن ئەمنی ڕژێمی ئەوکاتی عێراق لە عەربەت دەستگیر کراوە و گوازراوەتەوە گرتووخانەی شاری کەرکووک، لەدوای ڕێکەوتنی ١١ی ئازاری ١٩٧٠ عەلی کاکە برا ئازاد کراوە.
ساڵی ١٩٧٤ پەیوەندى بە هێزى پێشمەرگە کردووەتەوە لە لقی دوو سەربە بەتالیۆنی شەهید دڵشادی هێزی خەباتی پارتی دیموکراتی کوردستان بووەتە پێشمەرگە.
لە ١ی تشرینی دووەمی ١٩٧٤ لە سەنگەری بەرگری هێزی پێشمەرگە لە کێوە ڕەشی چیای زۆزک ڕووبەڕووی هێرشی سەربازی ئەوکاتی عێراق بوونەتەوە و عەلی کاکە برا شەهید بووە، لەلایەن هاوسەنگەرانی تەرمی دەگوازنەوە دەڤەری هەورامان و لە گۆرستانی ناحیەی بیارە بە خاکیان سپاردووە.
سەرچاوە:
١- ئەرشیفى دەستەى ئینسکلۆپیدیاى پارتى دیموکراتى کوردستان.
