شەهید عەلی خالید خەم، ساڵی ١٩٣٧ لە گوندی ئەرگۆش سەر بە ناحیەی شێروان مەزنی قەزای مێرگەسۆری پارێزگای هەولێر لەدایک بووە. خێزانداربووە.
ساڵى ١٩٦١ پەیوەندى بەهێزی پێشمەرگەى شۆڕشی ئەیلوول کردووە و بۆتە پێشمەرگە، لە دەڤەرى بادینان بەشدارى شەڕەکانى کردووە. ساڵى ١٩٧٨ لەلایەن حکومەتى عێراقی دەگوازرێنەوە بۆ ئۆردوگاى زۆرەملێی هەریر. ساڵى ١٩٨٥ پەیوەندى بە ڕێکخستنە نهێنییەکانى پارتی دیموکراتى کوردستان کردووە و چەندین چالاکی نهێنى ئەنجام داوە.
ساڵى ١٩٩١ بەشدارى ڕاپەڕینى جەماوەرى کوردستان دژى حکومەتى عێراقى کردووە، پەیوەندى بەهێزی پێشمەرگەى کوردستان کردووە و لە سوپاى بارزان بووەتە پێشمەرگە.
لە ١٨ى ئەیلوولى ١٩٩٣ لە دەڤەرى باسیا لەلایەن چەکدارانى پەکەکە شەهید دەکرێت و لە گورستانی زولفەقاری شارۆچکەى هەریر بەخاک سپێردراوە.
سەرچاوە:
١- ئەرشیفى دەستەی ئینسکلۆپیدیاى پارتى دیموکراتى کوردستان.
