شههید عەزیم عەبدولکەریم محەمەد، ناسراوە بە عەزیمی دەروێش، ساڵی ١٩٤٩ لە گوندی زارێنی دەڤەری تاگۆزی سەربە پارێزگای هەڵەبجە لە دایکبووە، گوندنشین بووە و سەرقاڵی کاری جوتیاری بووە، خێزاندار بووە و خێزانی ناوی کەتان محەمەد عەلی بووە و خاوەنی یەک کوڕ بووە بەناوی کۆسار.
ساڵی ١٩٧٩ بۆتە پێشمەرگە لە بەتالیۆنی تاگۆزیەکان، بهفهرماندهیی قادر حەمەساڵح تاگۆزی، بەژداری له چهندین شهڕ کردووە لەوانه شەڕی زۆزک، داستانی خواکورک، شەڕی هەڵەبجە، شەڕی زمناکۆ، شەڕی قەرەداغ، چالاکییە پارتیزانیەکانی دەشتی شارەزوور، ساڵی ١٩٨١ لە چالاکیەکی پارتیزانی دەشتی شارەزوور گوله بەر ئەژنۆی ڕاستی کەوتووە و بە سەختی بریندار بووە.
ساڵی ١٩٩١ شههید عەزیم عەبدولکەریم لە ڕاپەڕینە جەماوەریەکەی خەڵکی کوردستان بەژداری لە ئازادکردنی شاری هەڵەبجە، سەیدسادق، عەربەت، زەرایەن، دەربەندیخان، سلێمانی، کەرکووک، کەلار، باوەنور کردووە.
ساڵی ١٩٩١ لە گوندی شێخ باوەی سەربە قەزای خانەقین، کەوتوونەتە بۆسەی هێزی موجاهدینی خەڵک و شههید عەزیم عەبدولکەریم و چەند هاوسەنگەرێکی شەهید بوونە، یەکێکە لەو شەهیدانەی کە گۆڕی نادیارە.
سەرچاوە:
- ئینسکلۆپیدیای پارتی دیموکراتی کوردستان.
