ژیاننامه
شههید عەبدوڵا یوسف عەبدوڵا سياری، ل سالا ١٩٦٣ ێ ل گوندێ سيارێ ل دەڤەرا بەرواریا سەر ب ناحيا کانی ماسێ ژ مالباتەکا کوردپەروەر ھاتیە سەر دنیایێ، ل ئەنفالا سالا ١٩٨٨ێ ئاوارەيى وەلاتێ ئيرانێ بوويه، بۆ ماوێ ٤ سالان ل وێرێ مايە، پشتی راپهڕینا سالا ١٩٩١ ڤەگەرییایە کوردستانێ، ل ١٦ تەباخا سالا ٢٠١٦ ێ دهێتە شەهيد كرن.
خهباتنامه
شههید عەبدوڵا یوسف عەبدوڵا سياری، ل سالا ١٩٨١ ێ بوويە پێشمەرگه و بەژداری د چەندین شەڕ و داستان و چالاکییاندا كرييه وەکو سهرێ سپيندارێ، سهرێ گارهی، کنيکا، ملبرکا، شهرانشێ، گرێ زهنگل و چە ندين شهڕێن دی، ل سالا ١٩٨٧ێ بوويه پێشمەرگێ لژنا ناوچا شێخان، ل سالا ١٩٨٨ ل ولاتێ ئیرانێ کارێ رێکخستنێ کريه وەکو کادرەکێ زورێ چالاک.
ل سەرھلدانا ١٩٩١ێ بەژداری چەندين شەڕاندا کريە وەکوھێرشا فهيلهقا ٥ ههولێرێ، ئازاد کرنا باژێرێن کهرکووکێ، دھوکێ، زاخۆ، ئاکرێ و سێمێلێ، ل سالا ١٩٩٢ێ ل وان شەڕێن سەپاندين ل سەر پارتی ديموكراتى كوردستان، وهكو جێگرێ ھێزا گارەيا ئهحمهد سهفو سيارى بەژداری شەڕێن سهرێ پيرسی، گارهی، شهش دارێ کرییە.
ل سالا ١٩٩٥ێ دبيته ئامر مەفرەزە ل لژنا ناوچا شێخان، ل سالا ١٩٩٧ێ دبيته جێگرێ ليوا ١٢٢ يا سوپايێ ١٢ يا فهرماندهيا دھوک، هەرديسان شههيدێ فهرماندە بەشداری چهندين شهڕێن دی يێن سەخت و دژواردا دكەت وەکو شهڕێ سهرێ کانيكا، سێدەرا، شهڕێ گوندێ، سيارێ، سەرێ گارەيى و مەتينا، كانی بوتکێ، ئاڤشخورێ، مێرگێ، کەپکێ ئهحمهد ئاغا، قهسر، باكوزا، سەرێ سە فينی،
شەڕێ دولا، باليسان، زوزک و ھندرينی و رەواندوز، بەردەبوتک، شاخە رەشێ.
شهھيدێ فهرماندە د کاروانێ خوهدا چهندين جاران ھاتيه بريندار كرن، ل سالا ١٩٩٧ێ د ھێرشا بۆ سەر گوندێ سيارێ دھێتە برينداركرن، ١٢ێ تەموزا ١٩٩٨ێ ل گوندێ سيارێ بۆ جارا دويێ دھێتە بريندار كرن و دههمان سالدا دبيته جێگرێ بەتهليونا ٤ يا سوپايێ ١٢، ل سالا ٢٠٠٠ێ دبيته فهرماندێ بەتەليونا ١ێ ھێزا ٢ يا سوپايێ ١٢ ، ل سالا ٢٠٠٣ێ رولهکێ باش ھهبوويه د شهرێ ئازادکرنا عيراقێ ل شێخان و نەوەران و موسل، د ھەمان سالدا دبيته فەرماندێ بهتاليونا ٢ يا ھێزا ١٢ سوپايێ ٣ێ زێرەڤانی و ھەر ئەرکەکێ پێ ھاتيه سپاردن ب باشترين شێوە ئەنجام دايه ل ناڤ باژێرێ موسل و دهوروبهراندا، د هێرشا تيرورستێن داعشێ بۆ سەر کوردستانێ شههيدێ فەرماندە بەژدار بوویە د شەڕێ شهلالات و ھهروهسا د شهڕێ رزگارکرنا گوندێن دەوروبهرێن کەسکێ و ھێرشا ئازادکرنا شنگالێ و وانکێ و ھهمی وان ھێرشێن تيرورستێن داعشێ کرينه سەر خالێن پێشمەرگەيى ل ميحوهرێ نەوەران و دەشتا موسلێ و سهرێ نەوەران و تلسقوف و شهلالات، هەرديسان شەهيدێ فەرماندە بەژداری د ھێرشێن ١١گوندێن کاکەيا كرينە ل ١٤ێ ئابا ٢٠١٦ و شيايە جھێن بۆ هاتيه دەست نيشانكرن كونترول بكەت، ناڤبری ل ١٦ تەباخا سالا ٢٠١٦ ێ دهێتە شەهيد كرن.
سەرچاوە:
ئەرشیفی دەستەی ئینسکلۆپیدیای پارتی پارتی دیموکراتی کوردستان.
