شەهید عەبدولڕەحمان یوسف حامد، ساڵی ١٩٤٢ لە گوندی چەلکی لە ناحیەی دێرەلووک (دەشتا زێ) سەر بە قەزای ئامێدى پارێزگاى دهۆک لەدایک بووە. خێزاندار بووە، ساڵى ١٩٧٥ دواى نسکۆی شۆڕشی ئەیلوول ئاوارەى وڵاتى ئێران بووە و لە شارى شنۆ نیشتەجێ بووە.
ساڵی ١٩٦١ پەیوەندى بە هێزى پێشمەرگەى شۆڕشی ئەیلوول کردووە و لە ناوچەی ئاکرێ و شێخان بۆتە پێشمەرگە، ساڵی ١٩٦٤ چۆتە دەڤەرى پشدەر. ساڵی ١٩٦٦ پلەی سەرپەلی وەرگرت و لە زۆربەی شەرەکانی سەنگەسەر و مەنگور بەشداری کردووە. ساڵی ١٩٦٨ بەشدارى ئازادکردنى شارى قەڵادزێی کردووە.
ساڵى ١٩٧٦ پەیوەندى بە هێزی پێشمەرگەى شۆڕشی گوڵان کردوە، ساڵى ١٩٨٣ لە چیاى قەندیل شەهید بووە.
سەرچاوە:
١- ئەرشیفى دەستەی ئینسکلۆپیدیای پارتى دیموکراتى کوردستان.
