ژیاننامه
شههید عەبدولهادی سلێمان حەسەن سلێمان هروری، ل سالا ١٩٤١ێ ل گوندێ هرورێ ل دەڤەرا بەرواری بالا هاتە سەر دونیایێ، خواندنا خوه يا سەرەتايێ ل قوتابخانا گوندێ هرورێ خوانديه، پاشی دەست ب خودانکرنا تەرش و کەوالی و چاندێ کرييه، ل ٢٥ێ شوباتا ١٩٨١ ێ هاتە سێدارەدان.
خهباتنامه
شههید عەبدولهادی سلێمان حەسەن سلێمان هروری، ل سالا ١٩٧٦ێ گەهشتييه ناڤ رێزێن رێکخستنا نهێنی يێن پارتی ديمكراتى كوردستان دگەل رێکخراوا ١١ئادارێ سەرب لژنا ناوچا ئامێديێ كو بەرپرسێ وێ رێکخراوێ سەيد عهلى چەلکی بوو شەهید عەبدولهادی بەرپرسێ شانەيێ بوو ل دهەمان سال رژێما عێراقێ دەست ب راکرنا گوندان کر و گوندێ هرورێ هاتە کەڤلکرن ناڤبری لگەل خێزانا خوە قەستا گوندێ قومريێ کر و بەردەوامی دايه كارێ خوە يێ پارتايەتييێ دگەل شەهيد مەلا رهمەزان قومرى يێ بەرنياس ب (بەهەشتی) بوو ماوەيێ دوو سالان ل گوندێ قومريێ مايه، پاشی قەستا گوندێ تشيشێ كرييه و ل وێرێ ئاکنجی بوويه، پاشی ناڤێ رێکخراوێ ژ ١١ ئادار بۆ پێشکەڤتن هاتييه گوهرين كو بەرپرسێ وێ خدر مهحمود هروری بوو ژلايێ حوکمەتا بەعس ڤە گەلەک دويڤچونا شەهيدى هاتييه كرن و چەندين جارا هاتييه دەستەسەرکرن و هاتييه داخواز کرن بو فەوجا سوتکێ ل كانى ماسێ و گەلەک هاتييه ئەشکەنجەدان لێ دەست ژ کارێ رێکخستنێ بەرنەدايه.
چهند چالاكيێن دناڤ رێکخستنا نهێنيدا ئەنجام داين وەکو ڤەگوهاستنا پوستەيان ژناڤ بەرواريا بو زاخۆ، هەلاويستنا بەلاڤوکان، ئەو کەسێن پەيوەندی ب شۆڕەشا گولانێ دکرن ل گەل هەڤالێن خوە دگەهاندنە کوماتەى و تەسليم دكرن، عەبدولهادی ل گەل هەڤالێن خوە چەندين چالاکێين پەقاندنا نارنجوکێ هەبوويه.
ل ١٢ێ حوزيرانا سالا ١٩٨٠ ێ هاتينه ئاشکەراکرن و فەرمانا دەستەسەرکرنێ بۆ دەرکەڤت و ل گوندێ هرورێ هاتنه گرتن پاشی بۆ ئيستخباراتا زاخۆ هاته رەوانەکرن و بۆ ماوەيێ سێ روژان هاته زيندانكرن، پاشی هاتييه رەوانەکرن بۆ ئەمنا کەرکووکێ پشتی بۆ ماوەيێ شەش هەيڤان ل وێرێ ماى دهێتە ڤەگوهاستن بۆ ميسلێ و ل ٩ ئەيلوولا ١٩٨٠ ێ ب بريارا دادوەری فەرمانا سێدارێ بۆ دەرکەڤت، پشتی ئەشکەنجەدانەکا مەزن و دژوار ل ٢٥ێ شوباتا ١٩٨١ێ هاتە سێدارەدان ل گەل ٩ هەڤالێن خوە ل ميسلێ گەهشتە کاروانێ شەهيدان.
جەنابێ سەروک مسعود بارزانى ب رێکا ئێزگەهێ دەنگێ کوردستانێ بروسکەيەکا سەرەخوەشييێ ئاراستەی مالباتێن هەر ٩ شەهيدان كر تەرمێ شەهيدى رادەستی مالباتا وی نەهاتەکرن.
سەرچاوە:
ئەرشیفی دەستەی ئینسکلۆپیدیای پارتی پارتی دیموکراتی کوردستان.
