ژیاننامه
شەهید عەبدولخالق مەلاحەسەن، سپینداری ـ بەرواری، ل سالا ١٩٤٠ێ ل گوندێ سپیندارێ دەڤەرداریا چەمانکێ دەڤەرا بەرواریا ژدایک بوویە، دەستپێکا ژیێ گەنجاتیێدا دەست دایە خاندنێ و قوتابییەکێ زیرەک و چالاک بوویە، ل ٢٩ێ تشرینا ئێکێ١٩٦٦ێ ل شەڕێ سەنگەسەری دهێته شههید كرن و ل دولا شەهیدانە ل ناوچا سەنگەسەری هاتییە خاک سپاردن .
خهباتنامه
ئێک ژ دامەزرێنەرێن ئێکەتیا قوتابیێن کوردستانێ بوویە، ل سالا ١٩٦٠ێ شەهید عەبدولخالق مەلاحەسەن سپینداری بەرپرسێ قوتابیێن دهوکێ بوویە، ئێک ژ چالاکیێن شەهیدی دەست ب رێکخستنا قوتابییا کریە و هەمی دەما ئاستێ رەوشەنبیری و دەنگ و باسێن شۆرەشێ دناڤا قوتابیاندا بەلاڤ کرینە، ژ بەر حەز و ڤیانا وی بۆ شۆرەشێ دەست ژ خواندنێ بەردایە و دگەهیتە رێزێن پێشمەرگەیێن قەهرەمان .
ل سالا ١٩٦٣ێ دگەهیتە ناڤ رێزێن بەتەلیونا فارس کورەمارکی، ژبەر زیرەکیا وی دبیتە جێگرێ بەتەلیونێ، ژبەر قەهرەمانیا وی مەلا مستەفا بارزانی گرنگیێ پێ ددەت و ئێک ژ خوشتڤیێن خو د دانیت، بەژداری د گەلەک شەڕ و داستانادا کریە مینا شەڕێ گەلیێ دهوکێ، شەڕێ لومانا، شەڕێ ئامێدیێ بەرێ کەڕ، شەڕێ زوزک، شەڕێ هندرین، شەڕێ گەرویا عەمەر ئاغا و زۆر شهڕێ دی.
ل رێکەفتی ٢٩ێ تشرینا ئێکێ ١٩٦٦ێ ل شەڕێ سەنگەسەری شەهید دبیت، گوڕا شەهیدی ل دولا شەهیدانە و ل ناوچا سەنگەسەری هاتیە خاک سپاردن .
سەرچاوە:
ئەرشیفی دەستەی ئینسکلۆپیدیای پارتی پارتی دیموکراتی کوردستان.
