ژیاننامه
شه‌هید عەباس محەمەد به‌گ ئاسهی، ل سالا ١٩٦١ێ ل گوندێ ئاسهێ ل دەڤەرا بەروارى بالا سەر ب ناحيا کانی ماسێ ژ دايک بوویە، شه‌هید هه‌ر ژ تەمەنێ زارۆكینییا خوە بێ بەهر دبيت ژ دلوڤانيا بابێ خو، دەمێ ژيێ شەهيد عەباس ژیێ ئاسهی ١٠ساڵ بوو بابێ وى وەغەرا دوماهيێ دکەت و دچيته بەردلۆڤانيا خودێ، دەيکا وی ب هەمی هێز و شيانێن خوە مينا بابەکی زارۆکێن خوە پەروەردە دکەت، شەهید ل سالا ١٩٧٧ێ خێزانی پێک دئينيت لێ ژبەر چەند ئەگەرێن سياسيی ل سەر داخازا شەهيدێ سەرکردە سەيد سالح چەمسەيدی ل سالا ١٩٨٣ێ ب خێزان ڤە هاتينە باژێرێ دهوکێ، ل روژا ٢٦ێ ئادارا ١٩٩١ێ ل گوندێ قەسارا دهێتە شەهيد كرن.
خه‌باتنامه
شه‌هیدێ وەلاتپارێز کەسەکێ هه‌لهاتی و داخازکری بوو ژ لايێ رژێم و ئەمنا به‌عس ڤە، ژبەر کو کەسەکێ کوردپەروەر و پێشمەرگەيەکێ ئازا و چالاك بوويه، هەر ديسان هەژی گوتنێ بێژين شەهيد ب کارێ نهێنی ژی رادبوو وەکو دەرمان و پێداويستێن نۆژداری ب نهێنی بۆ پێشمەرگەيى ڤەگوهاستينه تايبەت ژ بۆ رێکخراوا شەهيد مەلا ره‌مه‌زان قومری ژ بۆ لايێ دەڤەرا زاخۆ.
د سەرهلدانا پيروزدا شەهيد رولەکێ گرنگ و بەرچاڤ هەبوويه د چەپەرێ بەرەڤانیکرنێدا، شەهيد کەسێ ئیکێ بو کو ئالايێ زەر برییە ئەمنا دهوکێ ڤە و سەربانێ شقێن ئەمنێ بلند کری، هەر ديسان کوگەها چەکی و دەرگەهێ وێ شکاندی لەوما پێشمەرگەها هەميان گوتێ بەری مە هەميان دێ چییە ژور و چەکی بخوە ئینی، لەوما شەهيد مەلا ره‌مه‌زان قومری ل قەسارا دچیتە دەستێ وی و پێڤە ماچی دکەت و دبێژيتێ تە زەلامینی و قارەمانییا خو پیروز بن راستی تو هەژی ناڤێ خۆيی عەباس به‌گ.
عەباس محەمەد به‌گ ل ٢٦ێ ئادارا ١٩٩١ێ دەما رامالينا حکومەتا بەعس ل باژێرێ دهوکێ دگەل ئێک ژ هەڤال و هەڤچەپەرێ خوە شه‌هید خه‌لیل شه‌ریف راڤینی ل گوندێ قەسارا دهێنە شەهيد كرن.
سەرچاوە:
ئەرشیفی دەستەی ئینسکلۆپیدیای پارتی پارتی دیموکراتی کوردستان.
