شەهید عیسا سێوک سێوک، ساڵی ١٩٥٣ لە گوندی لێلکان لە شارۆچکەی سیدەکانی سەر بە پارێزگای هەولێر لەدایکبووە، گوندنشین و تا قۆناغی ناوەندیی خوێندووە، ژیانی هاوسەریەتی پێکهێنابوو.
ساڵی ١٩٦٨ پەیوەندیی بە شۆڕشی ئەیلوولەوە دەکات و لەلای عەزۆ لێڕەبیری دەبێتە پێشمەرگە. ساڵی ١٩٧٥ دواى نسکۆى شۆڕشى ئەیلوول ئاوارەی وڵاتی ئێران دەبێت و لە شاری کەرەج پاسەوانی تایبەتی ماڵی کاک ئیدریس بارزانى بووە. ساڵی ١٩٧٩ لە لقی ٢ی باڵی ڕاست کە دواتر بووە بە هێزی بارزان، دەبێتە پێشمەرگە و دواتر دەکرێتە سەرپەل و بەشداریی شەڕەکانى خێرەزۆک و باسکەدر و مەزنێ و مێرگەسۆرى کردووە. ساڵی ١٩٨٧ لە گەلیی خواکوڕک و لە کاتی ئەنجامدانی ئەرکی پێشمەرگایەتی لە چیای شەکیو دەکەوێتە خوارەوە وشەهید دەبێت.
سەرچاوە:
-
ئەرشیفى دەستەى ئینسکلۆپیدیاى پارتى دیموکراتى کوردستان.
