شەهید عومەر کەریم فەتاح، ساڵی ١٩٤٧ لە گوندی حەسەن ئاوای سەربە پارێزگای هەڵەبجە لەدایکبووە، گوندنشین بووە و سەرقاڵی جوتیاری بووە، تا قۆناغی سهرهتایی خویندوویهتی.
ساڵی ١٩٦٣ لە ڕێگەی شانەی سەرەکی عەبدوڵا بەغدای سەربە ڕێکخراوی نەوڕۆڵی بۆتە پێشمەرگە لە لقی فەرەجی حاجی مەحمود کە سەربە بەتالیۆنی خەباتی پارتی دیموکراتی کوردستان بووە.
ساڵی ١٩٦٣ عومەر کەریم فەتاح لەگەڵ شەهید حەمە گوڵپی و دەستەیەک هاوسەنگەری گەڕاونەتەوە گوندی حەسەنئاوا بۆ پشوویەکی کورت و دابینکردنی پێویستیەکانیان، بەڵام ئاشکرا کراون و هێزێکی زۆری ڕژێمی ئەوکاتی عێراق گەماڕۆی گوندەکەیان داوە و دوای ڕووبەڕووبوونەوە، حەمە گوڵپی و چەند هاوسەنگەرێکی خۆیان دەرباز کردووە و عومەر کەریم فەتاح سێ هاوسەنگەری بە ناوەکانی کەریم فەتاح قادر، حاجی کەریم، ساڵح محەمەد عەلی دەستگیر کراون و لە دەروازەی گوندەکە فیشەکباران کراون و شەهید بوونە.
سەرچاوە:
- ئەرشیفی دەستەی ئینسکلۆپیدیای پارتی دیموکراتی کوردستان.
