عوسمان کەریم ناسراو بە (عوسە ڕەش کەماڵانی)، ساڵی ١٩٣٥ لە گوندی کەماڵانی سەربە ناحیەی عەربەت پارێزگاى سلێمانى لە دایکبووە، گوندنشین و سەرقاڵی کاری جوتیاری و ئاژەڵداری بووە، تا قۆناغى سەرەتایی خوێندوو، خێزاندار و خاوەنی سی کوڕ و یەک کچ بووە.
عوسمان کەریم، لە ١٥ی ئابی ١٩٦٥ پەیوەندی بە هێزى پێشمەرگەى شۆڕشی ئەیلوول کردووە و لە پەلی حسێنی فارس سەربە بەتالیۆنی ٩ی شەهید دڵشاد بە فەرماندەیی شەهید فەتاح ئاغا، سەربە هێزی خەباتی پارتی دیموکراتی کوردستان بۆتە پێشمەرگە.
ساڵی ١٩٦٩ عوسمان کەریم و چەند هاوسەنگەرێکی چوونەتە شاری سلێمانی بۆ ئەنجامدانی چالاکییەکی پارتیزانی لە گەڕەکی چوارباخ، دوای جێبەجێکردنی ئەرکەکەیان تووشی ڕووبەڕووبوونەوەیەکی سەخت بوونە لەگەل هێزێکى سوپاى عێراق و لە ئەنجامدا عوسمان کەریم شەهید بووە و هاوسەنگەرێکی بەناوی عومەرە زەرد بە سەختی بریندار بووە.
سەرچاوە:
١- ئەرشیفى دەستەى ئینسکلۆپیدیاى پارتى دیموکراتى کوردستان.
