ژیاننامە:
عوسمان حەسەن عوسمان بەرنیاس ب عوسمان حەسەن گولی، ساڵا ١٩٥٥ ل گوندێ رویسێ سەر ب ناحیا باتیفا سەر ب قەزایا زاخۆ – پارێزگەها دهۆکێ ژ بنەمالەکا شوڕەشگێر و کوردپەروەر ژ دایک بووە.
خەباتنامە:
عوسمان حەسەن گولی ل ساڵا ١٩٧١ ل شۆڕەشا ئەیلوولێ بویە پێشمەرگە و دەست دایە چەکێ شەرەفێ ل گەل مەلا حسێن مارونسی ل دەڤەرا گەلالە بەردەوام بوویە تا ساڵا ١٩٧٥ پاش نسکۆیا شوڕەشا ئەیلوولێ وەکی هزاران کورد خو گەهاندە سنوورێ ئیرانێ .
پشتی شوڕەشا گوڵانێ ل ساڵا ١٩٧٦ جارەکا دی دەست دایە چەکی و بووە پێشمەرگە دگەل (ئەبو عەنتەر) و بەردەوامی دایە خەباتی تا ساڵا ١٩٨٠ هاتیە ڤەگوهاستن دگەل فەرماندە (محو گەودا) تا ساڵا ١٩٨٨ چەندین جارا هاتیە بریندار کرن ل دەمێ ئەنفالا بادینان ئاوارەی وەڵاتێ تورکیا بووە لە گوندێن سەر سنووری تورکیا ئاکنجی بوویە تا ساڵا ١٩٩١.
پشتی سەرهەلدانێ زڤریە کوردستانێ، جارەکا دی دەست دایە چەکێ و بویە پێشمەرگە دگەڵ فەرماندە عەبدولکەریم فەرحان کەشانی تا ساڵا ١٩٩٧ ژبەر قارەمانی و زیرەکاتیا وی بویە ئەمر فەوج لە کەرتێ لیفی تا ساڵا ٢٠٠٠ بوویە ئەندام هێز و بەردەوام مایەڤە تا دامەزراندنا زێرەڤانی ب پلا نەقیب هاتیە دان و مایە ئەندام هێز و تا ساڵا ٢٠٠٥ هاتیە خانەنشین کرن ب پلا نەقیب.
ل دەمێ هاتنا ڕێکخراوا تیرۆریستیا داعش شەهید عوسمان حەسەن دەست دایە چەکێ، خو گەهاندە بەروکێن شەری ل میحوەرا بەنداڤا گوندێ مووسڵ، هزار جار مخابن ل ڕۆژا ٢ێ تەباخا ٢٠١٤ ل دەمێ هێرشا گوندێ سهلج تێتە شەهید کرن، دگەهیتە کاروانێ نەمران.
شەهید عوسمان حەسەن خودانێ دوو خێزانا بوو و هەڤدە زارۆک هەنە.
ژێدەر:
ئەرشیفا دەستەیا ئینسکلۆپیدیایا پارتی دیموکراتی کوردستان
