شەهید شەفیق فەریق ئەحمەد، ساڵی ١٩٥٤ لە گوندی ئەرگۆش سەر بە ناحیەی شێروان مەزنی قەزای مێرگەسۆری پارێزگای لەدایک بووە. تا قۆناغى ناوەندى خوێندووە، خێزاندار بووە. ساڵى ١٩٧٥ دواى نسکۆى شۆڕشی ئەیلوول ئاوارەى وڵاتى ئێران بووە.
ساڵى ١٩٧٤ پەیوەندى بە هێزی پێشمەرگەى شۆڕشی ئەیلوول کردووە و بۆتە پێشمەرگە، بەشدارى شەڕەکانی کردووە و ساڵی ١٩٧٤ دەچێتە بەشى تۆپخانەى شۆڕش لە خەلیفان.
ساڵى ١٩٧٦ پەیوەندى بە ڕێکخستنەکانى پارتی دەکات و بە بڕیارى ١١١٩ لە ٥ى ئازارى ١٩٨١ لە خولى حەفتەمى کادیران بەپلەى باش دەردەچێت و دەبێت کادر، ساڵى ١٩٨٢ دەبێتە ئەندامى لێژنە ناوچەى مێرگەسۆرى پارتی دیموکراتى کوردستان لە کۆلەکاى قەزاى مێرگەسۆر، دواتر پلەى کارگێڕی لێژنە ناوچەى ئاکرێی وەرگرتووە. بەشدارى چالاکییە پارتیزانییەکانى شۆڕشی گوڵانى کردووە، وەک شەڕی ئاکرێ و نەهلێ.
ساڵى ١٩٨٥ لە بوردۆمانی ئۆردوگاى زێوەى ڕۆژهەڵاتى کوردستان لە لایەن فرۆکە جەنگییەکانی سوپای عێراق، شەهید دەبێت.
سەرچاوە:
١- ئەرشیفى دەستەی ئینسکلۆپیدیاى پارتى دیموکراتى کوردستان.
