شەهید سابیر محەمەد ناسراوە بە سابیر حەمە کەریم، ساڵی ١٩٣٥ لە گوندی پارەنیانی سەربە ناحیەی قوشتەپەی پارێزگای هەولێر لە دایکبووە، گوندنشین بووە و سەرقاڵی کاری جوتیاری بووە، سابیر حەمە کەریم خێزاندار بووە و خێزانی ناوی عایشە ڕەزا بووە، خاوەنی کچێک بە ناوی ڕووناک بووە.
ساڵی ١٩٦٢ پەیوەندی بە شۆڕشی ئەیلوول دەکات و دەبێتە پێشمەرگە لە هێزی دەشتی هەولێری پارتی دیموکراتی کوردستان بە فەرماندەیی فارس باوە.
ساڵی ١٩٦٣ لەگەڵ حەوت هاوسەنگەری بۆ پشوویەکی یەک شەوی دەگەڕێنەوە گوندی پارەنیان، زانیاریان لەسەر دراوە و درەنگانێکی شەو کۆمەڵێک سەرباز و جاشی ئەوکاتی عێراق چواردەوەری گوندەکە دەدەن، لەگەڵ هەڵهاتنی خۆر نزیک، بوونەتەوە و گەمارۆی ماڵەکە دراوە، لە پێناو دروست نەبوونی ڕووبەڕووبوونەوە و سەلامەتی گیانی حەوت هاوسەنگەرەکەی، سابیر خۆی ڕادەستی هێزەکە دەکات، دەستبەسەری دەکەن و دەیگوازنەوە بۆ بنکەی پۆلیسی قوشتەپە و هەر لەوێ فیشەک بارانی دەکەن و سابیر حەمە شەهید دەبێت.
سەرچاوە:
- ئەرشیفی دەستەی ئینسکلۆپیدیای پارتی دیموکراتی کوردستان.
