ژیاننامە
سابیر محەمەد حەسەن ئەحمەد، ساڵی ١٩٣٤ لە پارێزگای هەڵەبجە لە دایکبووە، شارنشین بووە و قۆناغەکانی خوێندنی سەرەتایی و ناوەندی لە شاری هەڵەبجە تەواو کردووە، بە پۆلیس دامەزراوە و بۆتە پۆلیسی (لاسرکی) لە قەزای دەربەندیخان، سابیر محەمەد خێزاندار بووە و خێزانی ناوی ڕەعنا حەمەڕەشید بووە و خاوەنی دوو کوڕ و یەک کچ بووە بە ناوەکانی سەردار، سالار و شەهلا. ساڵی ١٩٦٥ شەهید بووە.
خەباتنامە
شەهید سابیر محەمەد، ساڵی ١٩٦٣ بۆتە پێشمەرگەر لەلای نەسرەدین هەورامی و شەهید حەمەگوڵپی کە سەر بە هێزی خەباتی پارتی دیموکراتی کوردستان بوونە.
لە ١ی تەممووزی ١٩٦٥ لە پردی زەڵم بۆسەیان داناوە بۆ کاروانی سەربازی کە بەرەو شاری هەڵەبجە و هەورامان دەچوون، دوای شەڕێکی قورسی چەند کاتژمێری توانیویانە زریپۆشێکی دوژمن تێکبشکێنن، بەڵام بەهۆی زۆری ژمارەی زریپۆشەکان و بۆردومانی بەردەوام لەسەریان سابیر محەمەد، عنایەت ئەحمەد، حەمە گوڵپی و حەمەعەلی ئێناخی دەچنە بەردەم زریپۆشەکانی تر و شەهید بوونە، هەروەها زریپۆشەکان بەسەر جەستەیاندا ڕۆشتوون.
سەرچاوە:
ئەرشیفی دەستەی ئینسکلۆپیدیای پارتی پارتی دیموکراتی کوردستان.
