رەشاد خزر عەلی

رەشاد خزر عەلی ناسراو بە (رەشاد خزر سيساوا)، لە ساڵی ١٩٥٥ لە گوندی سيساوە لە دايكبووە، پێشمەرگەی شۆڕشی گوڵان بووە، لە پێشمەرگایەتیدا یەکجار برینداربووە، لە حزبایەتیدا بەرپرسى ڕێکخراو بووە، لە ڕێکەوتى ١٢ی تشرینی یەکەمی ١٩٨٥ شەهیدبووە...


ژیاننامە

رەشاد خزر علی لە ساڵی ١٩٥٥ لە گوندی سیساوا لە دایکبووە، ئاستی خوێندەواری سەرەتایی بووە، لە سەرەتایی تەمەنی لاوی پیشەکار بووە. لە ساڵی ١٩٨٤ ناوبراو کچە ئامۆزایەکی خۆی دەستنیشان دەکات، بەڵام لەبەرئەوەى لە ساڵی ١٩٨٥ شەهید دەبێت، نایگوازێتەوە. دایکى رەشاد ناوى  رەوشەن تەها بووە و کۆچی دوایی کردووە و خاوەنی دوو برایە بە ناوەکانی عەبدولواحید خزر، سەباح خزر.


خەباتنامە

لە ساڵی ١٩٧٧ پەیوەندی بە ڕێکخستنەکانى ناوچەی شوانی سەر بە لقی(٣-٤)ى پارتى دیموکراتى کوردستان دەکا، لەوکاتەدا کاک ئازاد بەرپرسی لق دەبێت. لە ساڵی ١٩٧٨چەک هەڵدەگرێت و دەچێتە دەڤەری قەرەداغ و پەیوەندی بە لقی (٣-٤) دەکات ، لە ساڵانی (١٩٧٨_ ١٩٨٢) بەشداریی کارای لە سەرجەم داستانەکانی دەڤەری قەرەداغ هەبووە. لە ساڵی ١٩٨١ لە دەڤەری شارباژێر بە سەختی بریندار بووە.

رەشاد خزر لە ساڵی ١٩٨٢ دەگوازرێتەوە بۆ لقی دوو و دەبێتە پێشمەرگەی مەفرەزەی لقی دوو، هەمان ساڵ لە سەرجەم چالاکییەکانى مەفرەزەی لق بەشدار دەبێت، لە دیارترینیان ئەو چالاکییانە گرتنی ڕەبایەی عەسکەری بەعسە لە گەڕەکی باداوانی شاری هەولێر کە تێیدا هەموو سەربازەکانیان بە دیلى بردبووەوە بۆ بارەگای لق لە دۆڵی بالیسان، هەروەها لە هەمان ساڵ لەگەڵ نۆ پێشمەرگەی هاوسەنگەری بە مەفرەزە دەچنە قەزای خەبات و سێ ئیستیخبارات بە دیلى دەبەنەوە بۆ بارەگای لق لە دۆڵی بالیسان. لە ساڵی ١٩٨٣ دەکرێتە بەرپرسی رێکخراوی سەفین سەربە ناوچەی شەقڵاوە و هەمان ساڵ لە داستانی قەندیل و داستانی قەڵاتۆکان بەشدار دەبێت.

لە ڕێکەوتى ١٢ی تشرینی یەکەمی ١٩٨٥ بە پلانی هەواڵگری رژێمی بەعس راپێچی بۆسەیەکی دوژمن دەکرێت لە سێ ڕیانی  هەریر-باسرمە کە بە تەنیا دەبێت و قارەمانانە دێتە دەست و دەتوانێت چوار سەربازی (ئیستغبارات) بکوژێت و سیانیشیان بریندار بکات، بەڵام بەهۆی زۆری ژمارەی سەربازەکان لە کۆتاییدا شەهید دەبێت، سەربازانی ئیستغبارات تەرمەکەی لەگەڵ خۆیان دەبەن و تا ئێستاش گۆڕی نادیارە.


سەرچاوە:

ئەرشیفی دەستەی ئینسکلۆپیدیای پارتی پارتی دیموکراتی کوردستان.


بابەتی پەیوەندیدار

نوری مەلا ئەحمەد مستەفا

نوری مەلا ئەحمەد مستەفا، ساڵی ١٩٧٣ پەیوەندی بە هێزى پێشمەرگەى شۆڕشی ئەیلوول کردووە و بۆتە پێشمەرگە، لە ڕۆژی ٨ی تشرینی یەکەمی ١٩٩٢ لە شەڕی بەرگریکردن لە سەروەری یاسا، لە چیای زرارا لە دەڤەری سیدەکان، لەلایەن چەکدارانی پەکەکە شەهید کراوە.

زانیاری زیاتر

نەبی ئەحمەد سۆفی

نەبی ئەحمەد سۆفی، ساڵی ١٩٨٥ پەیوەندی بە ڕێکخستنە نهێنییەکانى پارتی دیموکراتی کوردستانەوە کردووە، لە ڕۆژی ٣ی ئەیلوولی ١٩٩٧ لەشەڕی بەرگریکردن لە سەروەری یاسا، لە گوندی وەرتێ لەلایەن چەکدارانی پەکەکە شەهید کراوە.

زانیاری زیاتر

میرۆ حەمۆ سلێمان

میرۆ حەمۆ سلێمان، ساڵی ١٩٩١ پەیوەندی بە ڕیزەکانی پارتی دیموکراتی کوردستانەوە کردووە، لە ڕۆژی ٧ی تشرینی دووەمی ساڵی ١٩٩٧ لە شەڕی بەرگریکردن لەسەروەری یاسا لە سیدەکان بەدەستی چەکدارانی پەکەکە شەهید بووە.

زانیاری زیاتر

موسا عەزیز عومەر

موسا عەزیز عومەر، ساڵی ١٩٩١ پەیوەندی بە پارتی دیموکراتی کوردستانەوە کردووە، لە ڕۆژی ١ی کانوونی دووەمی ساڵی ١٩٩٨ لە شەڕی بەرگریکردن لە سەروەری یاسا، لە گوندی نزاریە لە دەڤەری سیدەکان لەلایەن چەکدارانی پەکەکە شەهید کراوە.

زانیاری زیاتر

ئیسماعیل خدر حەوێز

ئیسماعیل خدر حەوێز، ساڵی ١٩٨٠ لە سنوورى لێژنە ناوچەى ڕواندز، پەیوەندی بە ڕێکخستنە نهێنییەکانى پارتی دیموکراتی کوردستان کردووە، لە ڕۆژی ٧ی ئەیلوولی ١٩٩٧ لە شەڕی بەرگریکردن لە سەروەری یاسا، لە گوندی وەرتێ لەلایەن چەکدارانی پەکەکە شەهید کراوە.

زانیاری زیاتر