خورشید ئیسماعیل فەتاح، ساڵی ١٩٥٤ لە کوندی ستونی سەربە ناحیەی شێروان مەزن قەزای مێرگەسۆر پارێزگای هەولێر لە دایک بووە.خێزاندار بووە خاوەن ٧ منداڵ بووە، ساڵى ١٩٧٥ دواى نسکۆى شۆڕشی ئەیلوول ئاوارەى وڵاتى ئێران بووە و لە ئۆردوگاى زێوە نیشتەجێ بووە. ساڵى ١٩٩١ دواى ڕاپەڕینى جەماوەرى باشوورى کوردستان گەڕاوەتەوە کوردستان و لە گوندى لێلوک نیشتەجێ بووە.
ساڵی ١٩٦٥ پەیوەندى بە هێزى پێشمەرگەى شۆڕشی ئەیلوول کردووە و لەلاى میتۆ ئەحمەد زەینەل بۆتە پێشمەرگە، هەمان ساڵ بەشدارى شەڕى زۆزکى کردووە، ساڵى ١٩٦٩ بەشدارى شەڕى گەروى عومەرئاغاى کردووە لە ناحیەى دیانا، ساڵى ١٩٧٤ بەشدارى شەڕەکانى سپیلک و گۆڕەز و ڕۆڵەى کردووە، پلەى سەرپەلى وەرگرتووە.
ساڵى ١٩٩١ پەیوەندى بە هێزی پێشمەرگەى کوردستان کردووەتەوە و لە سوپاى بارزان بۆتە پێشمەرگە، ساڵى ١٩٩٧ لە گەرووى ستۆپەى نزک گوندى مێرۆزى دەڤەرى مزوورى لەلایەن چەکدارانى pkk شەهید کراوە و لە گۆڕستانى گوندى لێلوک بە خاک سپێردراوە.
سەرچاوە:
ئەرشیفى دەستەى ئینسکلۆپیدیاى پارتى دیموکراتى کوردستان.
