خدر حەمەد عومەر ناسراو بە خدر قەلێتانی، ساڵى ١٩٤٨ لە گوندى خواکوڕکى سەر بە ناحیەى سیدەکانى پارێزگاى هەولێر لەدایک بووە، تا قۆناغى سەرەتایی خوێندووە، سەرقاڵى کارى جوتیارى بووە، خێزاندرا بووە، لە ڕۆژی ١٩ی تەمموزی ١٩٩٧ لە دەڤەری سیدەکان شەهید بووە.
ساڵى ١٩٩١ دواى ڕاپەڕینى جەماوەرى باشوورى کوردستان پەیوەندى بە ڕێکخستنەکانى پارتى دیموکراتى کوردستان کردووە، ساڵى ١٩٩٥ لە سوپاى ٦ی لەشکرى کوردستان بۆتە پێشمەرگە، ساڵى ١٩٩٦ بۆ هێزى ٦٤ى سوپاى سیدەکان گوازراوەتەوە. لەهەموو شەڕەکانی بەرگریکردن لەسەروەری یاسا لە دەڤەری باڵەکایەتی و سیدەکان بەشداری کردووە.
لە ڕۆژی ١٩ی تەمموزی ١٩٩٧ لە چیای ڕۆبی و ڕواڵ لەشەڕی بەرگریکردن لە سەروەری یاسا بەدەستی چەکدارانی پەکەکە شەهید بووە.
سەرچاوە:
ئەرشیفى دەستەى ئینسکلۆپیدیاى پارتى دیموکراتى کوردستان.
