شەهید حەمەفاتیح حەمەشەریف خوامراد، ساڵی ١٩٤١ لە گوندی کڕەچنەی سەربە ناحیەی سەنگاوی قەزای چەمچەماڵ پارێزگاى سلێمانى لە دایکبووە، گوندنشین بووە و سەرقاڵی کاری ئاژەڵداری بووە، تا قۆناغى سەرەتایی خوێندووە.
حەمەفاتیح حەمەشەریف خوامراد، ساڵی ١٩٦١ پەیوەندی بە هێزى پێشمەرگەى شۆڕشی ئەیلوول کردووە و لە لقی شێخ محەمەد شێخ عەبدولکەریم سەربە بەتالیۆنی ٩ی گەرمیانی هێزی قەرەداغی پارتی دیموکراتی کوردستان بۆتە پێشمەرگە.
ساڵی ١٩٦٣حەمەفاتیح حەمەشەریف و کۆمەڵێک هاوسەنگەری لە بەتالیۆن، پلانی هێرشکردنە سەر سەربازگەی شاری کفریان داناوە و لە نزیک بوونەوەیان لە کفری و قاتەکانی کفری، کەوتوونەتە بۆسەی سەربازی ئەوکاتی عێراق و دوای ڕووبەڕووبوونەوەیەکی ماوەدرێژ و نەمانی پێداویستی شەڕکردن، حەمەفاتیح حەمەشەریف و ٢٢ هاوسەنگەری شەهید بوونە، لەلایەن هاونیشتیمانیانی کفریەوە و لە ژێر چاودێری توندی سەربازی ڕژێم، چاڵێکی گەورە دروست کراوە و تەرمى هەر ٢٣ شەهید بە خاک سپێردراون.
سەرچاوە:
ئەرشیفى دەستەى ئینسکلۆپیدیاى پارتى دیموکراتى کوردستان.
