حەمید کەریم مەحمود

حەمید کەریم پێشمەرگەی شۆڕشی ئەیلوول بووە، پلەی سەرپەلی وەرگرتووە، لە ساڵی ١٩٧٥ لە چیای بەمۆ شەهید بووە.


شەهید حەمید کەریم، ساڵی ١٩٤٧ لە گوندی مەحمود قەجەرى سەربە ناحیەی قۆرەتووی دەڤەری گەرمیان لە دایکبووە، گوندنشین بووە و سەرقاڵی کاری ئاژەڵداری بووە، دەرچووی قۆناغی ناوەندی بووە، حەمید کەریم خێزاندار بووە و خێزانی ناوی ڕەمزیە مەحمود بووە و خاوەنی یەک کوڕ و یەک کچ بووە بە ناوەکانی مەریوان و پەخشان.

ساڵی ١٩٦٢ پەیوەندی بە شۆڕشی ئەیلوول دەکات و دەبێتە پێشمەرگە لە لقی شەشی سەربە بەتالیۆنی حەوتی بیارەی هێزی خەباتی پارتی دیموکراتی کوردستان، ئەوکات سلێمان ئەتروشی سەرلقی شەش بووە و جەمال نامیق فەرماندەی بەتالیۆن بووە. لە ساڵی ١٩٦٦ پلەی سەرپەلی لە هەمان لق وەرگرتووە. 

حەمید کەریم لە ژیانی پێشمەرگایەتی دووجار بریندار بووە، لە ساڵی ١٩٦٥ لە ڕووبەڕووبوونەوەی هێزەکانی ئەوکاتی عێراق لە بان گامێشانی نزیک ناحیەی قۆرەتوو فیشەک بەر شانی ڕاستی کەوتووە، هەروەها لە ساڵی ١٩٧٤ لە سەنگەری بەرگری چیای بەمۆ بەهۆی تۆپبارانی حکومەتى ئەوکاتی عێراق بۆ سەر سەنگەری پێشمەرگە چەند پارچەیەک بەر جەستەی کەوتووە و بۆ دووەم جار بریندار بووە. 

ساڵی ١٩٧٥ لە چیای بەمۆلە کاتى بەرگرى کردن  فیشەکی سەربازانى سوپاى ئەوکاتی عێراقی بەرکەوتووە و شەهید بووە، هاوکات لەگەڵ شەهید حەمید دوو هاوسەنگەری دیکەی بە ناوەکانی یاروەلی و سەیفوڵا شەهید بوونە، دواتر لەلایەن مەلا عەزیزەوە تەرمەکانیان دەگوازرێتەوە بۆ وڵاتی ئێران و لە ئۆردوگای ئەنزڵ ڕادەستی بنەماڵەکانیان کراون.


سەرچاوە:

- ئەرشیفی دەستەی ئینسکلۆپیدیای پارتی دیموکراتی کوردستان.


بابەتی پەیوەندیدار

یوسف حەمەد رەزاق

یوسف حەمەد رەزاق، سالی ١٩٦١ پەیوەندی بە پارتی دیموکراتی کوردستانەوە دەکات و بۆتە پێشمەرگە، لە ساڵی ١٩٦٥ لە نزیک گوندی سیتکان لەکاتی شەڕ لە دژی بەکرێگیراوانی رژێمی عێراق بریندار دەستگیر دەکرێت، دواتر دەبردرێت بۆ لیوای سەربازی سوپای عێراق کە لە باڵەکیان بووە و لەوێ گوولەباران دەکرێت و شەهید دەبێت.

زانیاری زیاتر

حەسەن وەسمان حەسەن

حەسەن وەسمان حەسەن، سالی ١٩٦٩ پەیوەندی بە ڕیزەکانی پارتی دیموکراتی کوردستانەوە دەکات و بۆتە پێشمەرگە، لە ساڵی ١٩٧٤ لە گوندی دەرگەڵە بەهۆی تۆپبارانی رژێمی عێراق شەهید دەکرێت.

زانیاری زیاتر

ئەمین محەمەد مەحمود ئەحمەد

ئەمین محەمەد ناسراوبە (مینە ڕەش)، ساڵی ١٩١٢ لە پارێزگای سلێمانی لە دایکبووە، ساڵی ١٩٦٢ پەیوەندی بە هێزى پێشمەرگەى شۆڕشی ئەیلوول کردووە، ساڵى ١٩٧٤ پلەی سەرلقی پێنجی سەربە بەتالیۆنی ٣ی سورداش لە هێزی ڕزگاری وەرگرتووە. لە ٦ی کانونی دووەمی ١٩٨٨ شەهید بووە.

زانیاری زیاتر

ئازاد حەمەعەلی حەمە شل

ئازاد حەمەعەلی، ساڵی ١٩٦٨ لە پارێزگاى سلێمانى لە دایکبووە، ساڵی ١٩٨٥ پەیوەندی بە هێزى پێشمەرگەى شۆڕشی گوڵان کردووە، لە شۆڕشی گوڵاندا بەشداری شەڕی خۆرنەوازان، شەڕی ئەحمەد ئاوا، شەڕی بنکەی پۆلیسی خورماڵ، شەڕە پارتیزانیەکانی دەشتی شارەزوور و شەڕی سەربازگەی بانی شار کردووە. لە ١٠ی ئایاری ١٩٨٧ شەهید بووە.

زانیاری زیاتر

عومەر ڕەحیم ئەحمەد ئەبابەکر

عومەر ڕەحیم ئەحمەد، ساڵی ١٩٤٥ لە پارێزگاى هەولێر لە دایکبووە، ساڵی ١٩٧٠ پەیوەندى بە هێزى پێشمەرگەى شۆڕشی ئەیلوول کردووە، ساڵی ١٩٧٤ بەشداری داستانی بێستانە، شەڕی دەشتی کۆیە، شەڕی چیای سەفین و داستانی کێلە شین کردووە. ساڵى ١٩٧٤ شەهید بووە.

زانیاری زیاتر