ژیاننامە
حەسەن عەبدولڕەحیم سۆفی محەمەد لە ساڵی ١٩٣٨ لە گوندی پاڕەوان لە دەڤەری شەمێرانی سەربە ناحیەی دەربەندیخان لەدایکبووە، سەرقاڵی کاسبی ناو بازاڕی شارەدیی دەربەندیخان بووە، قۆناغی خوێندنی سەرەتایی تەواو کردووە، شارەزایی لە زمانی ئینگلیزی و عەرەبی هەبووە. دایکی ناوی حبیبە عەوڵا و خێزانی کافیە قادرە و خاوەن کوڕێکە بە ناوی عەبدولڕەحمان حەسەن، لە ساڵی ١٩٦٤ شەهید بووە.
خەباتنامە
حەسەن عەبدولڕەحیم سۆفی محەمەد لە ساڵی ١٩٦٣ پەیوەندی بە هێزی پێشمەرگە لە پەلی تایەر مۆریاسی سەر بە بەتالیۆنی شەش بە فەرماندیی فازڵ تاڵەبانی دەکات کە سەربە لقی زمناکۆی هێزی خەباتی پارتی دیموکراتی کوردستان بووە، لە ساڵی ١٩٦٤ لە چیای زمناکۆ لە ڕووبەڕووبوونەوەی سەربازانی ڕژێمی عێراق، فیشەکێک بەرسەری دەکەوێت و شەهید دەبێت و لە دەربەندیخان بەخاک دەسپێرن.
سەرچاوە:
ئەرشیفی دەستەی ئینسکلۆپیدیای پارتی پارتی دیموکراتی کوردستان.
