حاجى ڕەسول حوسێن(ئاغای کۆسرەتان)

ڕەسول حوسێن ناسراو بە حاجی ئاغای کۆسرەتان، ساڵی ١٩٠١ لە گوندی مێرگەی سەر بەناحیەى گەڵاڵەى قەزاى چۆمانى پارێزگاى هەولێر لە دایک بووە. بەشداری کۆماری کوردستانی لە مەهاباد کردووە، دوای ڕوخانى کۆمار گەڕاوەتەوە بۆ گوندی زێوکە لە ناوچەی پیرانشاری ڕۆژهەڵاتى کوردستان و لە ماڵی خزمانی ماوەتەوە بەر لە گەڕانەوەی بارزانی نەمر لە یەکێتی سۆڤیەت و بۆ عێراق، بەشداریی چەند شەڕی دژ بەرژێمی عێراق و هەروەها شەڕی سۆفییەکانی سەر بەشێخ ڕەشیدى لۆڵانی کردووە.


دوای پەڕینەوەی بارزانی لە بادینیانەوە بۆ سۆران حاجی ڕەسول یەکێک لەو پێشمەرگانە بووە کە ڕۆژی ١١ى تەمموزى ١٩٦٢ پەلامارى قەڵای ڕایەتیان داو هەموو سەرباز و چەکدارەکانى نێو قەڵاکەیان دەسگیر کردن. دواتر بەشداری شەڕەکانی بەنی حەریر، پردی بنکێلان و کۆسپی سپی لە سەر ڕێگاى هاملتۆن کردووە. تاوەکو ساڵى ١٩٧٥ پێشمەرگەى سنوورى باڵەکایەتى و پاسەوانى مەکتەبى سیاسى بووە لەگوندى ناوپردان.

ساڵى ١٩٧٥ دوای نسکۆی شۆڕشی ئەیلوول چووەتە گوندی کۆسرەتان و لەو گوندە ماوەتەوە، ساڵى ١٩٧٧ لەلایەن حکومەتى عێراق بە بنەماڵەوە بۆ کۆمەڵگای بەستۆڕەی لە ناوچەی هەولێر ڕاگوێزراوە، کردووە ساڵی١٩٧٩ ئیبراهیم حاجی کوڕی لە شاخی گرتاڵانی گوندى کۆسرەتانی قەزاى چۆمان شەهید بووە،  دوای شەهیدبوونی کوڕەکەی لەگەڵ سێ کوڕی تری و خزمانی ڕۆژی ١٢ى نیسانى ١٩٧٩ بەڕێگاى شینێ و قاسمەڕەشدا خۆى گەیاندۆتە ڕۆژهەڵاتى کوردستان پەیوەندى بەسەرکردایەتى کاتى پارتى دیموکراتى کوردستان کرووەتەوە، خۆى و کوڕ و خزمەکانى پەیوەندییان بە ڕیزەکانى هێزى پێشمەرگەى شۆڕشى گوڵان کردووەتەوە، لە دەڤەرى باڵەکایەتى بەشێوەى مەفرەزەى گەڕۆک بەشدارى شۆڕشى گوڵانیان کردووە.

ساڵى ١٩٩١ گەڕاوەتەوە باشوورى کوردستان و لە دەڤەرى خۆشناوەتى بەشدارى ڕاپەڕینى خەڵکى کوردستانى کردووە، تاوەکوو تەمەنى ٨٥ ساڵى بەردەوام لە پێشمەرگایەتى، ساڵى ١٩٩٢ گەڕاوەتەوە گوندى کۆسرەتان لەقەزاى چۆمان تاوەکوو کۆچى دوایی کردنى لەوێ ژیانى بەسەر بردووە.

لە ١٦ی ئابى ١٩٩٦ بەهۆى ئەو خزمەتانەى کردوونى لە یۆبیلى زێڕینى پارتى دیموکراتى کوردستان لەلایەن سەرۆک بارزانى میدالیاى بارزانى پێ بەخشراوە.

لە ١٢ى تەمموزى ٢٠٠٢ کۆچى دوایی کردووە.


سەرچاوە:

 ئەرشیفى دەستەى ئینسکلۆپیدیاى پارتى دیموکراتى کوردستان.


بابەتی پەیوەندیدار

فەقێ ئەحمەد پشدەری

ئەحمەد محەمەد ئەبوبەکر، ناسراو بە (فەقێ ئەحمەد پشدەرى)، ساڵى ١٩٢٢ لە گوندى دەلگە لە ناوچەى پشدەر لە ناحیەى هێرۆ سەر بە قەزاى قەڵادزێ پارێزگاى سلێمانى لە دایک بووە، ساڵى ١٩٥٨ پەیوەندى بە ڕیزەکانى پارتى دیموکراتى کوردستان کردووە، ساڵى ١٩٦١ پەیوەندى بە هێزی پێشمەرگەى شۆڕشی ئەیلوول کردووە، ساڵى ١٩٧٥ دوای نسکۆی شۆڕشی ئەیلوول (١٩٦١- ١٩٧٥) ئاوارەى وڵاتى ئێران بووە، لە ٤ى تشرینى یەکەمى ١٩٧٩ وەک ئەندامى کۆنگرە بەشدارى لە کۆنگرەى نۆیەمى پارتى دیموکراتى کوردستانی لە ڕۆژهەڵاتی کوردستانی کردووە.

زانیاری زیاتر

خالید تەها عەلی

خالید تەھا عەلی ساڵی ١٩٤٥ لە پارێزگای دھـۆک لەدایـــــک بـــــووە. ڕۆژی ٤ی نیسانی١٩٦٢ پەیوەندی بە شۆڕشی ئەیلوولەوە کردووە، ساڵی ١٩٧٠ بووەتەسکرتێری سەندیکای کرێکـارانی دھـۆک، دوای نسکۆی شۆرشی ئەیلوول لەساڵی ١٩٧٥ئاوارەی رۆژهەڵاتی کوردستان، لەساڵی ١٩٨٩ چووەتە وڵاتی نەمسا، ساڵی ١٩٩٩ گەراوەتەوە بۆ کوردستان، لە رۆژی ١٥ی کانونی یەکەمی ٢٠١٠ میدالیای بارزانی پێ بەخشراوە.

زانیاری زیاتر

حەمید حەیدەر ئەرگوشی

حەمیـد حەیـدەر ئەحمەد، ناسراو بە (حەمید ئەرگۆشى)، لە دایک بووی گوندى ئەرگۆشى ناحیەى شێروان مەزنە، ساڵى ١٩٥٩ پەیوەندى بە ڕیزەکانى پـارتی دیمـوکراتی کوردسـتان کردووە، ساڵى ١٩٦١ پەیوەندى بەهێزى پێشمەرگەى شۆڕشی ئەیلوول کردووە و بۆتە پێشمەرگە. ساڵی ١٩٧٩ پەیوەندی بە هێزى پێشمەرگەى شۆڕشی گوڵان کردووە، لە ١٥ی کانونی یەکەمی ٢٠١٠ میدالیای بارزانی پێ بەخشراوە.

زانیاری زیاتر

خەمەد بارزانى

خەمەد میـــرحەمەد فەتـــاح، ناسراو بە (خەمەد بارزانى)، ساڵى ١٩٤٩ لە ناحیەى گۆڕەتووی قەزاى مێرگەسۆر لەدایک بووە، ساڵى ١٩٧٢ پەیوەندى بەهێزى پێشمەرگەى شۆڕشی ئەیلوول کردووە، ساڵى ١٩٧٤ گوازراوەتە بۆ هێزى کاوەى لەشکرى کوردستان، ساڵى ١٩٧٧ لەلایەن هەواڵگرى ڕژێمى عێراق دەستگیرکراوە، لە ١٥ی کانوونى یەکەمى ٢٠١٠ لە کۆنگرى ١٣ى پارتی دیموکراتی کوردستان، میدالیای بارزانی پێ بەخشراوە

زانیاری زیاتر

جەوهەر ئاغاى غەفور ئاغاى لێوژە

جەوهەر غەفور ئیسماعیل، ناسراو بە (جەوهەر ئاغاى غەفور ئاغاى لێوژە)، ساڵى ١٩٢٨ لە گوندی لێوژە لە ناحیەى ناودەشت لە قەزاى قەڵادزێ سەر بە پارێزگاى سلێمانى لە دایک بووە، ساڵى ١٩٦١ پەیوەندى بە هێزى پێشمەرگەى شۆڕشی ئەیلوول کردووە، ساڵى ١٩٧٦ پەیوەندى بە هێزى پێشمەرگەى شۆڕشی گوڵان کردووەتەوە، لە ١٦ى ئابى ١٩٩٦ لە یۆبیلى زێڕینى پارتى دیموکراتى کوردستان، میدالیاى بارزانى پێ بەخشراوە.

زانیاری زیاتر