شەهید جەلال مەولود عەبدوڵا، ساڵی ١٩٤٣ لە گوندی تەلەخێمی گەورە سەربە ناحیەی گوێری قەزای مەخموورپارێزگاى هەولێر لە دایک بووە، گوندنشین بووە و سەرقاڵی کاری ئاژەڵداری بووە، تا قۆناغى سەرەتایی خوێندووە. خێزاندار بووە و خاوەنی پێنج کوڕ و دوو کچ بووە.
جەلال مەولود، ساڵی ١٩٨١ پەیوەندی بە هێزى پێشمەرگەى شۆڕشى گوڵان کردووە، لە ڕێکخراوى قەرەچوغ سەربەلقى ٢ى پارتى دیموکراتى کوردستان بۆتە پێشمەرگە. ساڵى ١٩٨٥ بەشدارى شەڕى ترپەسیان و چیاى قەرەچوغ و چالاکى پارتیزانى لەناو شارى هەولێر و کۆیە و گوێڕ و مەخمور کردووە.
لە٣ى حوزەیرانى ١٩٨٧ لە عارەب کەندى بنارى چیاى قەرەچوغ لەگەڵ چەند هاوسەنگەرێکى کەوتوونەتە ناو بۆسەیەکى سوپاى عێراق و شەهید کراوە.
سەرچاوە:
ئەرشیفى دەستەى ئینسکلۆپیدیاى پارتى دیموکراتى کوردستان.
