شەهید جەعفەر ڕەسول حەمدی، لەساڵی ١٩٤٤ لە گوندی گوانی سەربە شارۆچکەی دیانای پارێزگای هەولێر لەدایک بووە، گوندنشین بووە و خەریکی کاری جووتیاری بووە، تا قۆناغی سەرەتایی خوێندووە، ژیانی هاوسەرێتی پێک نەهێنابوو.
ساڵی ١٩٦٤ پەیوەندی بە شۆڕشی ئەیلوول کردووە و لە هێزی باڵەک دەبێتە پێشمەرگە، بەشداری شەڕەکانی چیای کۆرەک و هەندرێن و قەڵادزێ و ناوچەکانی هەورامان و هەڵەبجە و دوکانی کردووە، لەساڵی ١٩٦٩ لە چیای ئاسۆس لە ناوچەی مەرگە لەکاتی هێرشی سوپای عێراق و تاقمی جەلال تاڵەبانی بۆ سەر هێزی پێشمەرگە شەهید دەبێت.
سەرچاوە:
ئەرشیفی دەستەی ئینسکلۆپیدیای پارتی دیموکراتی کوردستان.
