ژیاننامە
جەعفەر حەمەدئەمین کەریم حەمەدئەمین لە ساڵی ١٩٦٢ لە گوندی تاراوەی سەربە ناحیەی خەلیفان لە دایکبووە، گوندنشین بووە و سەرقاڵی کاری جووتیاری بووە، دایکی ناوی فاتیمە نەبی بووە و براکانی ناویان حەکیم، مستەفا، خالید، هەمزە و سلێمان بووە و ناوی خوشکەکانی مینهات و هەمین بووە، ساڵی ١٩٨٢ شەهید بووە.
خەباتنامە
جەعفەر حەمەدئەمین کەریم حەمەدئەمین لە ساڵی ١٩٧٧ پەیوەندی بە هێزی پێشمەرگەی سەر بە حاجی کەمال کەندۆلی کردووە کە سەربە هەرێمی خەلیفان بوونە، لە ساڵانی سەرەتای شۆڕشی گوڵان بوونەتە چەند دەستەیەک و ئەرکییان تەنها دانانی بۆسە بووە بۆ سەرباز و جاشی ڕژێمی بەعس، لە ساڵی ١٩٧٩ جەعفەر حەمەدئەمین بەشداری دوو بۆسەی سەرکەوتوو دەکات لە هیران و نازەنین و گردە خوارە، کە زەبری کوشندەیان لە هێزی دووژمن داوە، لە ساڵی ١٩٨٠ لە دەڤەری شێخ وەسانان بۆسە بۆ کاروانێکی سەربازی بەعس دادەنێن و دوای ڕووبەڕووبونەوە جەعفەر حەمەدئەمین قۆڵی ڕاستی فیشەکی بەردەکەوێت و بریندار دەبێت، هەر لەو ساڵەدا دوای گەڕانەوەی لە چارەسەر پلەی فەرماندەی کەرتی وەرگرتووە، لە ساڵی ١٩٨٢ لە قەڵای بێجان هێزێکی زۆری سەربازی ڕژێم گەمارۆی قەڵاکە دەدەن و دوای ڕووبەڕووبونەوەیەکی چەند کاتژمێری جەعفەر حەمەدئەمین بە برینداری دەکەوێتە دەست هێزی دووژمن و بە زیندووی گوللەبارانییان دەکەن و شەهید دەبێت.
سەرچاوە:
ئەرشیفی دەستەی ئینسکلۆپیدیای پارتی پارتی دیموکراتی کوردستان.
