جەبار محەمەد شەریف ناسراوە بە جەباری حاجی شەریف، ساڵی ١٩٥٧ لە گوندی وڵەسمتی سەربە قەزای سەیدسادق لە دایکبووە، گوندنشین بووە و سەرقاڵی کاری جوتیاری بووە، ساڵی ١٩٧٧ لە لایەن ڕژێمی بەعسەوە بۆ کۆمەڵگای شانیری بهزۆره ملێ ڕاگوێزراوه، برایەکی بەناوی سەلاح محەمەد لە ساڵی ١٩٨٨ شەهید بووە.
لە ١٤ی کانوونی دووەمی ١٩٨١ بۆتە پێشمەرگە لە بارەگای هێزی سورێن کە سەربە لێژنە ناوچەی دەربەندیخانی لقی چواری پارتی دیموکراتی کوردستان بووە، بەشداری چالاکییە پارتیزانییەکانی دەشتی شارەزووری کردووە.
لە٢٠ی ئابی ١٩٨١ مەفرەزەیەکی چەند کەسی هاوسەنگەری لە بارەگای سیامێوەی بناری سورێنەوە ڕوویان کردۆتە دەشتی شارەزوور بۆ کێوماڵ و ئەنجامدانی چەند چالاکییەکی پارتیزانی لە دەشتی شارەزوور، بەڵام لە ٢٣ی ئابی ١٩٨١ لە گوندی ناوگردانی دەشتی شارەزوور کەوتوونەتە بۆسەی هێزێکی یهكێتی و دوای ڕووبەڕووبوونەوەیان جەباری حاجی شەریف و چەند هاوسەنگەرێکی بە ناوەکانی جەمالی مەلا عەلی، جەبار محەمەد شەریف، ئەحمەد بانیشاری، ساڵحی خاڵە، شەهید بوونە.
سەرچاوە:
- ئەرشیفی دەستەی ئینسکلۆپیدیای پارتی دیموکراتی کوردستان.
