شەهید بەدیع محەمەد عادل ئەرگۆشی مزوری، ساڵی ١٩٦٩ لە گوندی ئەرگۆش سەر بە ناحیەی شێروان مەزن قەزای مێرگەسۆری پارێزگای هەولێر لە دایک بووە، ساڵى ١٩٧٨ لەلایەن ڕژێمە بەعس ڕاگوێزراون بۆ ئۆردوگاى زۆرەملێی ناحیەى هەریر.
ساڵی ١٩٨١ پەیوەندی بە ڕێکخستنە نهێنیەکانى پارتی دیموکراتی کوردستان کردووە و لە شانەى ئاگرینى سەر بە لێژنە ناوچەى پارتى دیموکراتى کورستان کار و چالاکى حزبى ئەنجام داوە.
ساڵی ١٩٩١ بەشدارى ڕاپەڕینى جەماوەرى کوردستانى کردووە و ساڵى ١٩٩٢ پەیوەندى بە هێزی پێشمەرگەى کوردستان کردووە و لە سوپاى بارزان بۆتە پێشمەرگە، ساڵى ١٩٩٢ تاکو ساڵى ١٩٩٤ بەشدارى شەڕەکانى بەرگریکردن لەسەروەرى یاسا کردووە. ساڵى ١٩٩٤ لە دەڤەرى مزوورى باڵا لەلایەن چەکدارانى پەکەکە شەهید کراوە. لە گورستانی زۆلفەقار لە شارۆچکەی هەریر بە خاک دەسپێردرێت.
سەرچاوە:
ئەرشیفى دەستەی ئینسکلۆپیدیاى پارتى دیموکراتى کوردستان.
