بێستون حسێن محەمەد مەحمود، ساڵی ١٩٦١ لە گوندی باوە کۆچەکی سەربە پارێزگای هەڵەبجە لە دایکبووە، گوندنشین بووە و سەرقاڵی کاری جوتیاری بووە، دەرچووی قۆناغى سەرەتاییە.
ساڵی ١٩٧٦ لە هێزی هەورامانی پارتی دیموکراتی کوردستان بە فەرماندەیی نادر هەورامی بۆتە پێشمەرگە، ئەوکات بارەگایان لە وشکەناوی نزیک سەرچاوەی زەڵم لە پارێزگاى هەڵەبجە بووە.
ساڵی ١٩٧٨ بێستون حسێن و دوو هاوسەنگەری بەناوەکانی ئەمین حسێن و تەحسین بۆ ئەنجامدانی چلاکییەکی پارتیزانی بۆ دەڤەرى دەشتى شارەزوور دەچن، لە گوندی شەشکی سەربە ناحیەی خورماڵ کەوتوونەتە بۆسەی جاشی ڕژێمی بەعس و دوای ڕووبەڕووبووەنەوە لەگەڵیان دەستگیر کراون، دواى دەسگیرکردنیان بۆ بەندیخانەى شارى موسڵ دەگوازرێنەوە، دواى ساڵێک زیندانی بوون، ساڵی ١٩٧٩ لە سێدارە دراون و شەهید بوونە.
سەرچاوە:
ئەرشیفی دەستەی ئینسکلۆپیدیای پارتی دیموکراتی کورستان
