ژیاننامە
بابەکر مەحمود حەوێز، ساڵى ١٩٢٧ لە دەڤەرى پشدەر لەدایک بووە، تا قۆناغى سەرەتایی خوێندووە، خێزاندارە، ساڵى ١٩٧٥ دواى نسکۆى شۆڕشی ئەیلوول ئاوارەى وڵاتى ئێران بووە، ساڵى ١٩٧٦ گەڕاوەتەوە کوردستان، ساڵى ١٩٨٨ دووبارە ئاوارەى وڵاتى ئێران بووە و ساڵى ١٩٩٢ گەڕاوەتەوە کوردستان، ساڵى ١٩٩٣ لە شارى لەندەنى پایتەختى بەریتانیا کۆچى دوایی کردووە.
خەباتنامە
ساڵى ١٩٦١ پەیوەندى بەهێزى پێشمەرگەى ئەیلوول کردووە و بۆتە ئەندامى لێژنە ڕێکخراوى سەنگەسەر بەشى عەسکەرى، ساڵى ١٩٦٣ پلەى ئامر بەتالیۆنى لە هێزى کاوە وەرگرتووە، ساڵى ١٩٦٧ تا ١٩٧٠ جێگرى ئامر هێزى کاوە بووە لە قەلادزێ، بەشدارى چەندین شەڕوداستان کردووە، لەوانە ساڵى ١٩٦٨ فەرماندەیی هێزى پێشمەرگەى هێزى کاوەى کردووە بۆ ئەنجامدانى چالاکییەکى سەربازى وەک لێدانی بارەگاى لیوایەکى سوپاى عێراقى لە کیوەڕەشى ناحیەى سەنگەسەر.
ساڵى ١٩٧٠ تا ١٩٧٤ لە مەکتەبى عەسکەرى ئەرکى بینیوە، هەمان ساڵ تاوەکو نسکۆى شۆڕشى ئەیلوول سەرپەرشیارى بەرەى شەڕەکانى چیای زۆزک بووە، ساڵى ١٩٨٥ بۆتە بەرپرسی هێزێکى تایبەت سەر بە سەرۆک مەسعود بارزانى، ١٩٩١ نوێنەرى سەرۆک مەسعود بارزانی بووە لەپشدەر و بێتوێن.
سەرچاوە:
ئەرشیفى دەستە ئینسکلۆپیدیاى پارتى دیموکراتى کوردستان.
