Jînenîgarî

Salih Huseyn Murad, naskirî bi Salih Huseyn Gûyzê, Pêşmerge û hevalê Barzanî bo Yekîtiya Sovyetê, sala 1925an li gundê Gûyzê yê ser bi nahyeya Şêrwan Mezin li qezaya Mêrgesorê li parêzgeha Hewlêrê ji dayik bûye.

Xebatname

 Sala 1944an peywendî bi rêzên Şoreşa Duyemîn a Barzan kiriye û di şeran de beşdar bûye, di 19ê tebaxa 1945an de bi fermana dadgeha urfî ya serbazî dest bi ser gişt milk û malên veguhêz û neveguhêzên wî de hatiye girtin. 

Piştî neskoya Şoreşa Duyemîn a Barzan di 11ê çiriya pêşîn a 1945an de rû kiriye rojhilatê Kurdistanê, di 31ê adara 1946an de li hêza Barzanî ya ser bi artêşa Komara Dêmokrata Kurdistanê li Mehabadê bûye Pêşmerge û di şerên bereya Seqizê li Komara Dêmokrata Kurdistanê beşdar bûye.

 Di 19ê nîsana 1947an de biryar daye di bin fermandeyiya jenerêl Mistefa Barzanî de li berxwedanê berdewam be, di 23ê gulana 1947an de her di destpêka rêwîtiya ber bi Yekîtiya Sovyetê li gundê Dirê bi sedema bordûmana firokeyên hêza asmanî ya Şahnişîna Îraqê bi giranî birîndar bûye û li ser daxwaza Mela Mistefa Barzanî radestî muxtarê gund tê kirin ku bê veguhastin bo Şêrwan û radestî hikûmetê bê kirin, ji bo vê mebestê sê çek dane muxtarê gund. Dûre ji aliyê karbidestên hikûmetê li navçeyê hatiye veguhastin bo nexweşxaneya Mûsilê bo wergirtina çareseriyê, lê ji aliyê hikûmeta Îraqê ve bi sedema lêdana derziyê û dayîna dermanên jehrî Şehîd bûne.

 

Çavkanî:

  1. Hevpeyvîna kovara Metîn, Hevçeperê Barzani yê nemir Ezîz Qazî bîranînên xwe vedigêre, beşa yekê, kovara Metîn, lîwaya yekê ya Partiya Dêmokrata Kurdistanê - Yekgirtû, hejmar 47, xûla sêyê, Dihok, çapxaneya Hawar, kanûna pêşîn 1995z.

  2. Zerard Silêman Beg Dergelêyî, Bîranînên min di salên 1943-1977an de, (Silêmanî - çapxaneya Rehend - 2002z).

  3. Siyamend Mehmûd Sêlkî, Karwanê serfiraziyê, çapa yekê, (Hewlêr - çapxaneya Pak - 2006z).

  4. Di bîranîna fermandeyê Şehîd Hesoy Mîrxan Jajokî, 62 roj li gel Barzanî çûna Barzaniyan bo Yekîtiya Sovyetê, çapa yekê (Hewlêr - çapxaneya Rewşenbîrî - 1997z).

  5. M. Ehmed Mihemed Çîço, Bo dîrokê di bîranîna Mihemed Çîço Pêndroyî, çapa yekê, (Hewlêr - çapxaneya Şehab - 2010z).

  6. Mesûd Barzanî, Barzanî û bizûtneweya rizgarîxwazî ya Kurd 1931-1958, (Dihok - çapxaneya Xebat - 1998z).

  7. Arşîva Desteya Ensîklopediya Partiya Dêmokrata Kurdistanê.