Şehîd Qadir Zamin Ela Mirad ku bi Wista Qadir dihat naskirin, Pêşmergeyê şoreşên Eylûl û Gulanê bû, piştî têkçûna Şoreşa Eylûlê koçberî Îranê bû, di dema têkoşîna xwe ya di refên Pêşmerge de carekê birîndar bû, di sala 1981ê de di encama guleyekê li serê wî di destana Çiyayê Şeram de şehîd bû.
Şehîd Qadir Zamin Ela Mirad Elî Weys ku bi Wista Qadir dihat naskirin, li Towêla ya ser bi nahiyeya Biyare ya navçeya Hewraman ji dayik bû, ji niştecihên Towêla bû, karê baxçevanî û pîşeya daristanî dikir. Piştî têkçûna Şoreşa Eylûlê koçberî Îranê bû û li Hankermele ya Îranê bi cih bû. Zewicî bû bi Sebriye Heme Riza, kurek û sê keçên wan hebûn (Dilşad, Emîre, Semîre, Sebahat).
Di sala 1964an de tevlî refên Pêşmerge bû di seriya sêyem a fujê heftem Biyare di nav Hêzên Xebat a Partiya Demokrat a Kurdistanê de, di gelek şeran de beşdar bû ji wan: şerê Zelm, şerê Pira Zelm, şerê Kanî Sêf, şerê Ehmed Awa, şerê Şeram.
Di sala 1968an de li Sertek bi Mû ya nêzîkî bajarê Helebceyê di rûbirûbûna bi artêşa rejîma Iraqê re bi giranî birîndar bû.
Bi pêşniyara Nadir Hewramî, dest bi karê rêxistinî di nav kampa koçberên Îranê de kir bi agahdarkirina hevsengerên xwe yên Pêşmerge li navçeya Hewraman ji bo ji nû ve rêxistinbûn û amadekarî ji bo Şoreşa Gulanê.
Di sala 1981ê de di destana Çiyayê Şeram de beşdar bû, û piştî du rojan ji berxwedanê li hember êrîşên artêşa rejîma Be'is li ser çiya û çeperên Pêşmerge, Qadir Zamin bi guleyekê li serê xwe birîndar bû û di cih de şehîd bû, herwiha hevsengerê wî Pêşmerge (Mecnûn Şehîd) jî bi wî re şehîd bû, û hevsengerên wî termên wan veguhestin nav axa Îranê û li Çiyayê Kêmene yê Îranê veşartin.
Çavkanî:Arşîva Desteya Ensîklopediya Partiya Demokrat a Kurdistanê.