Husên Mihemed Elîxan Mehmûd ku nasraw bi Husênê Fatê, sala 1950 li gundê Dola Nawhedî ya devera Şemîranê ser bi qezaya Derbendîxanê ji dayik bûye, gundnişîn bûye û mijûlî karê cotyariyê bûye, birayekî wî bi navê Silêmanê Fatê di sala 1981 de şehîd bûye, piştî neskoya Şoreşa Eylûlê sala 1975 awareyê welatê Îranê bûye û li nişîngeha (Enzel) nêzîkî bajarê Serpêla Zehawê niştecî bûye, Husên Mihemed Husênê Fatê xêzandar bûye û xêzana wî navê wê Şemsa Ehmed bûye û xwediyê yek kur û sê keçan bûye bi navên Mihemed, Sara, Seyran û Tara. Sala 1978 şehîd bûye.
XebatnameŞehîd Husên Mihemed di Şoreşa Eylûlê sala 1965 bûye pêşmerge li hêza Şemîranê, ku di wê demê de hêza Şemîranê hêzeke serbixwe bûye û şehîd Heme Şemîranî fermandeyê wê bûye û ferman ji serkirdatiya şoreşê wergirtiye, herwiha sînorê çalakiyên vê hêzê li devera Şemîranê û devera Newrolî bûye zêdetir, lê piştî çêkirina pêkhateya serbazî ya Şoreşa Eylûlê di sala 1965 de ew hêz her wek hêzeke serbixwe ma û hat xistin ser hêza xebata Partiya Dêmokrata Kurdistanê.
Şehîd Husên Mihemed beşdarî şerên çiyayê Zemnako, şerê Derbendîxanê, şerê Germiyanê, Xaneqînê, şerê Sertîzê, şerê Hacî Omeran û şerê Şoîyan bûye, di şerê çiyayê Zemnako de di sala 1967 de bi giranî birîndar bûye, sala 1968 pileya serpelî li hêza Şemîranê wergirtiye.
Sala 1976 piştî neskoya şoreşê û awarebûna wan, careke din peywendî bi şoreşê re kiriye û bûye pêşmerge li cem Qadirê Heme Salih Tagozî ku di Şoreşa Eylûlê serleqa çaran a batalyona şeşan a Bemoyê ya hêza xebata Partiya Dêmokrata Kurdistanê bûye.
Sala 1978 Husên Mihemed û desteyek pêşmergeyên hevsengerên xwe ji bo çalakiyên partîzanî vegeriyane bajarê Helebceyê, li binara çiyayê Bemoyê ketine kemîna serbazî ya rejîma wê demê ya Îraqê û Husên Mihemed bi giranî birîndar bûye û hevsengerên wî ji bo wergirtina çareseriyê ew veguhastine welatê Îranê, lê ji ber giraniya birîna xwe piştî du rojan şehîd bûye.
Çavkanî:Arşîva Desteya Ensîklopediya Partiya Dêmokrata Kurdistanê.