Şehîd Haşim Ezîz Ehmed, ku bi navê Haşim Mîrozî tê naskirin, di sala 1925an de li gundê Mîrozê yê li herêma Mezûrî Bala ya ser bi qezaya Mêrgesor a parêzgeha Hewlêrê ji dayik bûye. Du caran zewiciye, bi Besna Xelîl û Fîroz... re, şeş kur û çar keçên wî jê çêbûne. Du kurên wî şehîd bûne: Huseyn Haşim Ezîz Mîrozî di sala 1966an de, Sadiq Haşim Mîrozî di sala 1986an de.
Rûpelên têkoşînêDi sala 1945an de tevlî refên Şoreşa duyema Barzan bû, yek ji Pêşmergeyên wêrek û qehreman ên şoreşa Barzan bû. Ji ciwaniya xwe ve di nav eşîra xwe ya Mezûrî Bala de wekî yek ji têkoşerên şerker hat naskirin. Nûnerê Şêx Ehmed Barzanî bû li cem eşîra Mezûrî. Bû Pêşmerge Şoreşa Eylûlê di sala 1961an de, û di sala 1961an de berpirsiyariya cîgirê fermandeyê hêzên Zaxo (Îsa Siwar Silkî) wergirt.
Wekî fermandeyek û çavdêrê ser hêzên Pêşmerge beşdarî gelek şer û destanan bû, di nav wan de şerên Geliyê Zaxo, Batîfa, Geliyê Sebî, Eyn Zale, Metîna, Gara, Zawîte, Etruş, Geliyê Qiyamet. Du caran bi giranî birîndar bû. Ji ber wêrekî û ezmûna xwe, bi fermana Barzanî yê Nemir, pileya fermandeyê hêzên Şêxan jê re hat dayîn.
Di 10ê gulana 1965an de di şerê çiyayê Etruş de bi giranî birîndar bû û piştî çend saetan ji birîndarbûna xwe jiyana xwe ji dest da. Li gundê Hesnka yê herêma Mezûrî li çiyayê Etruş hat veşartin. Ew ji şehîdên bêgor bû, lê piştî 45 salan ji şehadeta wî gora wî hat dîtin.
Çavkanî:Arşîva Desteya Ensîklopediya Partiya Dêmokrata Kurdistanê.