ئیسماعیل مەغدید، کادری یەکێتی قوتابیانی کوردستان و شانەی نهێنی لقی دووی پارتی دیموکراتی کوردستان بووە لە ناوشاری هەولێر، لە ڕاپەڕینە جەماوەریەکەی خەڵکی کوردستان بۆتە پێشمەرگە، لە ساڵی ١٩٩١ لە پارێزگای هەولێر کەوتوونەتە بۆسەی سەربازانی ڕژێمی بەعس و ئیسماعیل مەغدید لەگەڵ کۆمەڵێک هاوسەنگەری شەهید بوونە.

شەهید ئەسکەندەر عەلی پێشمەرگەی هەردوو شۆڕشی ئەیلوول و شۆڕشی گوڵان بووە، لە ژیانی پێشمەرگایەتی یەک جار بریندار بووە، لە ساڵی ١٩٨٢ لە بۆسەیەکی سەربازانی ڕژێمی بەعس دەستگیر کراوە و لە ساڵی ١٩٨٣ لە شاری بەغدا لە سێدارە دراوە.

ئەکرەم عەلی پێشمەرگەی شۆڕشی ئەیلوول بووە، لە ساڵی ١٩٧٤ لە دەڤەری بارزان لە ڕووبەڕووبوونەوەی سەربازی ڕژێمی ئەوکاتی عێراق شەهید بووە.

حەیدەر محەمەدئەمین، ساڵی ١٩٤٦ په‌یوه‌ندی به‌ ڕیزه‌كانی پارتییه‌وه‌ كردووه‌، ساڵی ١٩٥٣ له‌ كۆنگره‌ی یه‌كه‌می یه‌كێتی قوتابیانی كوردستاندا به‌ ئه‌ندامی ده‌سته‌ی كارگێڕی هه‌ڵبژێردراوه‌ و دوای ماوه‌یه‌كی كه‌م به‌ سكرتێری یه‌كێتی قوتابیانی كوردستان ده‌ستنیشان كراوه‌، ساڵی ١٩٦٠ له‌لایه‌ن نوێنه‌رانی كۆنگره‌وه‌ به‌ ئەندامی یەدەگی کۆمیتەی ناوەندی پارتی دیموکراتی کوردستان (کۆنگرەی پێنجەم) هه‌ڵبژێردراوه.

مامۆستا جه‌لال عه‌بدولڕە‌حمان ئه‌مین، ساڵی ١٩٤٧ په‌یوه‌ندی به‌ ڕیزه‌كانی پارتی دیموکراتی کورده‌وه‌ كردووه‌، ساڵی ١٩٥٩ له‌لایه‌ن نوێنه‌رانی كۆنگره‌وه‌ به‌‌ ئه‌ندامی کۆمیتەی ناوەندی پارتی دیموکراتی کوردستان (کۆنگرەی شەشەم) هه‌ڵبژێردراوه، ساڵانی ١٩٦٠ـ١٩٦١ به‌رپرسی ستافی سێیه‌می لێژنه‌ی لقی دووی پارتی بووه‌

خورشید حەسەن حسێن حەسەن، پێشمەرگەی شۆڕشی گوڵان بووە، لەگەڵ ئەرکی پێشمەرگایەتی کاری لە بەشی ژمێریاری بەتالیۆن کردووە، لە ساڵی ١٩٧٧ لە ڕووبەڕووبوونەوە لەگەڵ سەربازانی ڕژێم لە دامێنی چیای هەڵگورد شەهید بووە.

شەهید رەزاق عەلی رەزا پێشمەرگەی شۆڕشی گوڵان بووە، لە ساڵی ١٩٨٨ لە دۆڵی بالیسان لەگەڵ شەش هاوسەنگەری دوای یەک کاتژمێر لە ڕووبەڕووبوونەوەی سەربازانی ڕژێمی بەعس بێ سەروشوێن کراون.

سەیفەدین عومەر خدر عومەر، پێشمەرگەی ڕاپەڕینە جەماوەریەکەی خەڵکی کوردستان بووە، لە گرتنەوەی پارێزگای کەرکووک لە ساڵی ١٩٩١ فیشەکی بەرکەوتووە و شەهید بووە.

مەحمود یابە مەحمود براهیم، لە ساڵی ١٩٦٥ بۆتە کادری ڕێکخستنی پارتی دیموکراتی کوردستان، پێشمەرگەی شۆڕشی ئەیلوول بووە، ماوەی یەک ساڵ زیندانی سیاسی بووە، لە ساڵی ١٩٦٩ لە دەشتی گوێڕ کەوتۆتە بۆسەی سەرباز و جاشی ڕژێم و شەهید بووە

تەها مەجید، پێشمەرگەی هەردوو شۆڕشی ئەیلوول و شۆڕشی گوڵان بووە، لە ساڵی ١٩٨٣ لە ڕووبەڕووبوونەوەیەکی هاوبەشی هێزەکانی (ی.ن.ک) و سەربازی ڕژێمی بەعس بە سەختی بریندار بووە و دوای ٢٢ ڕۆژ لە برینداری بەهۆی سەختی برینەکەیەوە لە وڵاتی ئێران شەهید بووە.

بەهجەت عومەر خدر عومەر، پێشمەرگەی ڕاپەڕینە جەماوەریەکەی خەڵکی کوردستان بووە، لە گرتنەوەی پارێزگای کەرکووک لە ساڵی ١٩٩١ بریندار بووە و دواتر دەبابەی ڕژێمی بەعس بەسەر جەستەیدا ڕۆشتووە.

سدیق حەسەن حەمەد ئەحمەد، پێشمەرگەی شۆڕشی ئەیلوول بووە، لە ساڵی ١٩٧٤ لە ڕووبەڕووبوونەوەی سەربازی ڕژێم لە دەڤەری سورچیان فیشەکی بەرکەوتووە و شەهید بووە.