کۆنگرەى پێنجەمى ڕێکخراوى یەکێتى قوتابیانى کوردستان، لە ڕێکەوتى ١٣ بۆ ١٥ى تەمووزى ١٩٦٧ لە ناوچەى شوانى سەر بە پارێزگاى کەرکووک ئەنجامدرا.

کۆنگرەى چوارەمى یەکێتى قوتابیانى کوردستان، دواى ڕێککەوتنى سەرکردایەتى شۆڕش لەگەڵ حکومەت و ڕاگەیاندنى پەیماننامەى ئاشتى ١٠ى شوباتى ١٩٦٤، لە ڕێکەوتى ١٤ى شوباتى ١٩٦٤ لە گوندى چۆخماخى نزیک شارى سلێمانى بەسترا.

دواى سەرکەوتنى شۆڕشى ١٤ى تەمووزى ١٩٥٨، ڕووخانى ڕژێمى پاشایەتى لە عێراق و دەرکردنى مۆڵەتى کارکردنى فەرمى لە لایەن حکومەتى کۆمارییەوە، کۆنگرەى سێیەمى ڕێکخراوى (یەکێتى قوتابیانى کوردستان)، ساڵى ١٩٦١ بەشێوەیەکى ئاشکرا لە شارى بەغدا بەسترا.

هاوینى ساڵى ١٩٥٥، پاش تێپەربوونى دوو ساڵ بەسەر بەستنى یەکەم کۆنگرە و هاتنە پێشەوەى چەندین گۆڕانکارى ناوخۆی پارتى و ڕێکخراوەکە، لەلایەن یەکێتى قوتابیانى کوردستانەوە کۆنگرەى دووەمى ڕێکخراوەکە بەشێوەیەکى نهێنى لە شارى بەغدا بەسترا.

دواى ئەوەى لە کۆنگرەى سێیەمى پارتی دیموکراتى کوردستان ٢٦ى کانوونى دووەمى ١٩٥٣ بڕیار لە دامەزراندنى ڕێکخراوە جەماوەرییەکان درا. لە ڕێکەوتى ١٨ى شوباتى ١٩٥٣، یەکەم کۆنگرەى یەکێتى قوتابیانى کوردستان بەشێوەیەکى نهێنى لە شارى بەغدا بەسترا.

لە ڕێکەوتی ٢٥ی ئایاری ١٩٨١ شەڕی خێزاڤا لە نێوان هێزی پێشمەرگە و سوپاى ڕژێمی عێراقدا ڕوویدا. کاتێک کە هێزێکى پێشمەرگەى سەربە لیژنەى ناوچەى زاخۆ لە گەڕانێکدا(جولە) بوون لە گوندەکانى ناوچەى باتیفاى دەڤەرى بادینان بۆ جێبەجێ کردنى ئەرکى پێشمەرگایەتى، لە گوندى خێزاڤا ڕووبەڕووى هێزێکى سەربازیی سوپای رژێمى بەعس بوونەوە، دواى شەڕێکى سەخت هێزێکى دیکەى سەربە لیواى باتیفا و دەشتى چیێی سوپای عێراق بەرەو شوێنى ڕوداوەکە بۆ پشتیوانى و هاوکاریى ئەو هێزەى کە لەگەڵ پێشمەرگە لەشەردا بوون، هاتن.

شەڕى زەمبیل فرۆش یەکێکیترە لە ڕووبەڕووبوونەوەکانی هێزی پێشمەرگەی کوردستان لەگەڵ سوپای ڕژێمی بەعس. لە ٢٢ی ئازاری ١٩٨٠ لە دەڤەری باتۆفا، هێزێکی پێشـمەرگە لەسەر ڕێگایەکی سەرەکی بۆسەیەکیان بۆ هێزێکی سەربازیی سوپای عێراق دانایەوە، لە ئاکامدا هێزەکەی سوپا کەوتنە نێو بۆسەکەوە و زیانێکی زۆریان بەرکەوت. لەم کاتەدا هێزێکیتری سەربە لیواى باتوفای سوپای عێراق بۆ پشتیوانی و هاوکاریی هێزە تێکشکاوەکەیان گەیشتنە شوێنی ڕووداوەکە، بە گەیشتنیان شەڕ و پێکدادانێکی سەخت لە نێوان هێزەکەی پێشمەرگە و سەربازانی سوپادا ...

عەبدیش ئۆمەر عەبدیش (١٩٢٦-١٩٧٧)، پێشمەرگە و هەڤاڵى بارزانى بۆ یەکێتى سۆڤیەت،بەشداری شۆڕشی دووەمی بارزان (١٩٤٣-١٩٤٥) کردووە و یەکێک بووە لە پێشمەرگەی سوپای کۆماری دیموکراتی کوردستان لە مەهاباد (١٩٤٦)، بەشداری شۆڕشی ئەیلوول (١٩٦١-١٩٧٥) کردووە.

عەزۆ شێخۆمەر (....-١٩٨٨)، پێشمەرگە و هەڤاڵى بارزانى بۆ یەکێتى سۆڤیەت بووە.

عەبدوڵا عیسا عیسا (١٩٢٠-١٩٨١)، پێشمەرگە و هەڤاڵى بارزانى بۆ یەکێتى سۆڤیەت، بەشداری شۆڕشی ئەیلوول (١٩٦١-١٩٧٥) کردووە.

غەزالی میرخان غەزالی (١٩٢٣-١٩٩٧)، ناسراو بە غەزالى ژاژۆکى، پێشمەرگە و هەڤاڵى بارزانى بۆ یەکێتی سۆڤیەت، بەشداری شۆڕشی دووەمی بارزان (١٩٤٣-١٩٤٥) کردووە و یەکێک بووە لە پێشمەرگەی سوپای کۆماری دیموکراتی کوردستان لە مەهاباد (١٩٤٦)، بەشداری شۆڕشی ئەیلوول (١٩٦١-١٩٧٥) و شوڕشی گوڵان (١٩٧٦-١٩٩١) و ڕاپەڕینی ١٩٩١ کردووە، ئامر هێزى کاوە،فەرماندەى هێزی حەمرین بووە، هەڵگری مەدالیای بارزانییە.

عەزیز حەبیب ئەبوبەکر (١٩٢٩-١٩٦٩)، پێشمەرگە و هەڤاڵى بارزانى بۆ یەکێتى سۆڤیەت، بەشداری شۆڕشی ئەیلوول (١٩٦١-١٩٧٥) کردووە.