حالى مەم حەدۆ یوسف (١٩٢٠ -١٩٦٣)، پێشمەرگە و هەڤاڵى بارزانى بۆ یەکێتى سۆڤیەت، له‌ شه‌ڕه‌كانی ڕێڕه‌و به‌شدار بووه‌.

حالى محەمەد قادر (١٩٢٧-١٩٩٥)، ناسراو بە حالى محەمەد خەلانى، پێشمەرگە و هەڤاڵى بارزانى بۆ یەکێتى سۆڤیەت، بەشداری شۆڕشی دووەمی بارزان (١٩٤٣-١٩٤٥) کردووە و یەکێک بووە لە پێشمەرگەی سوپای کۆماری دیموکراتی کوردستان لە مەهاباد (١٩٤٦)، بەشداری شۆڕشی ئەیلوول (١٩٦١-١٩٧٥) و شۆڕشی گوڵان (١٩٧٦-١٩٩١) و ڕاپەڕینی باشووری کوردستان (١٩٩١) کردووە، فەرماندەى بەتالیۆن، بەرپرسى گشتى تۆپخانەى هێزى باڵەک، به‌رپرسی لێژنه‌ی كۆمه‌ڵایه‌تی ناوچه‌ی دۆڵه‌مه‌ری بووە،هەڵگرى میدالیاى بارزانییە.

حالى باپیر محەمەد (١٩٠٥-١٩٦٣)، ناسراو بە حالى کەلۆکى، پێشمەرگە و هەڤاڵى بارزانى بۆ یەکێتى سۆڤیەت، بەشداری شۆڕشی یەکەمی بارزان (١٩٣١-١٩٣٢) و شۆڕشی دووەمی بارزان (١٩٤٣-١٩٤٥) کردووە، یەکێک بووە لە پێشمەرگەی سوپای کۆماری دیموکراتی کوردستان لە مەهاباد (١٩٤٦)، بەشداری شۆڕشی ئەیلوول (١٩٦١-١٩٧٥) کردووە و فەرماندەى بەتالیۆن بووە.

حادى حەسکۆ ئیبراهیم (١٩٢٨-١٩٦٦ )، پێشمەرگە و هەڤاڵى بارزانى بۆ یەکێتى سۆڤیەت، بەشداری شۆڕشی دووەمی بارزان (١٩٤٣-١٩٤٥) کردووە و یەکێک بووە لە پێشمەرگەی سوپای کۆماری دیموکراتی کوردستان لە مەهاباد (١٩٤٦)، بەشداری شۆڕشی ئەیلوول (١٩٦١-١٩٧٥) کردووە و فەرماندەى بەتالیۆن بووە.

حاجى حەیدەر سلێمان (١٩٢٢-١٩٨٣)، پێشمەرگە و هەڤاڵى بارزانى بۆ یەکێتى سۆڤیەت، بەشداری شۆڕشى دووەمى بارزان(١٩٤٣ -١٩٤٥) کردووە، یەکێک بووە لە پێشمەرگەی سوپای کۆماری دیموکراتی کوردستان لە مەهاباد (١٩٤٦)، بەشداری شۆڕشی ئەیلوول (١٩٦١-١٩٧٥) کردووە و فەرماندەى بەتالیۆن بووە.

چیچۆ ئەحمەد حاد (١٩٢٠-١٩٨٨ )، پێشمەرگە و هەڤاڵى بارزانى بۆ یەکێتى سۆڤیەت، بەشداری شۆڕشی ئەیلوول (١٩٦١-١٩٧٥) کردووە و پلەی سەرپەل بووە.

حسێن مەحمود مستەفا(١٩٠٠ -١٩٧٥)، ناسراو بە گورگۆ مەحمود مستەفا ، پێشمەرگە و هەڤاڵى بارزانى بۆ یەکێتى سۆڤیەت، بەشاری شۆڕشى یەکەمی بارزان (١٩٣١-١٩٣٢) و شۆڕشی دووەمى بارزان (١٩٤٣-١٩٤٥) کردووە، یەکێک بووە لە پێشمەرگەی سوپای کۆمارى دیموکراتی کوردستان لە مەهاباد (١٩٤٦)، بەشداری شۆڕشى ئەیلوول (١٩٦١-١٩٧٥) کردووە و پلەی سەرپەل بووە.

شاحسێن عەلى محەمەد (١٩٢١-١٩٨٣)، پێشمەرگە و هەڤاڵى بارزانى بۆ یەکێتى سۆڤیەت، بەشداری شۆڕشى دووەمى بارزان (١٩٤٣-١٩٤٥) کردووە و یەکێک بووە لە پێشمەرگەی سوپای کۆمارى دیموکراتی کوردستان لە مەهاباد (١٩٤٦)، بەشدارى شۆڕشى ئەیلوولى (١٩٦١-١٩٧٥) کردووە و پلەی سەرپەل بووە.

حەمید ئەحمەد حەسەن (١٩٢٨ -٢٠١٠)، ناسراو بە حەمید خەسرەوى، پێشمەرگە و هەڤاڵى بارزانى بۆ یەکێـتى سۆڤیەت، دواى نسکۆ ئاوارەى ئێران بووەتەوە، ساڵی ١٩٧٦ ڕژێمی ئێران به‌ زۆری ناوبراوی ته‌سلیمی حكومه‌تی عێراق دەکاتەوە و ڕادەگوێزرێتە‌ باشووری عێراق .

حەمۆ سلێمان ڕەشید (١٩١٧-١٩٦٨)، پێشمەرگە و هەڤاڵى بارزانى بۆ یەکێتی سۆڤییەت، بەشداری شۆڕشى یەکەمى بارزان (١٩٣١-١٩٣٢) و شۆڕشی دووەمی بارزان (١٩٤٣-١٩٤٥) کردووە، یەکێک بووە پێشمەرگەی سوپای کۆماری دیموکراتی کوردستان لە مەهاباد، بەشداری شۆڕشى ئەیلوول (١٩٦١-١٩٧٥) کردووە.

حەجەر عەبدولکەریم ، پێشمەرگە و هەڤاڵى بارزانى بۆ یەکێتى سۆڤیەت، له‌ گوندی كه‌لێت سه‌ر به‌ قه‌زای شه‌مدینانى باكووری كوردستان له‌دایكبووه‌‌، لە ٢٣ی ئایاری ١٩٤٧ و پاش کۆبوونەوەی فراوانی گوندی درێ و بڕیاری ڕۆیشتن بۆ یەکێتی سۆڤیەت لەگەڵ هێزەکە دەڕوات، له‌ كاتی ڕێڕه‌وی به‌ره‌و یه‌كێتی سۆڤیەت له‌ گوندی زێت شه‌هید بووه‌.

حسێن ئیبراهیم ساڵح (١٩١٠ -١٩٨٦ )، پێشمەرگە و هەڤاڵى بارزانى بۆ یەکێتى سۆڤیەت، بەشداری شۆڕشی دووەمی بارزان (١٩٤٣-١٩٤٥) کردووە و یەکێک بووە لە پێشمەرگەی سوپای کۆماری دیموکراتی کوردستان لە مەهاباد (١٩٤٦)، بەشداری شۆڕشى ئەیلوول (١٩٦١-١٩٧٥) کردووە.