سەعید عەبدولکەریم ئیبراهیم، پێشمەرگە و هەڤاڵى بارزانى بۆ یەکێتى سۆڤیەت، لە هەردوو شۆڕشى ئەیلوول و شۆڕشى گوڵان بەشداربووە، لە پێشمەرگایەتیدا سەرپەل بووە، ساڵى ١٩٩٨ لە پیرمام کۆچى دوایى کردووە.

سەید مەلا عەلی ناسراو‌ به‌ (مەلا سەعید)، له‌ ٢٣ی ئایاری ١٩٤٧ یاوەریى جەنەڕاڵ مستەفا بارزانی کردووە به‌ره‌و یه‌كێتی سۆڤیەت و لە شەڕى گه‌لی قتور و شەڕى پردی ماكۆ بەشدارییکردووە، ساڵی ١٩٨١ له‌ ئێران كۆچی دوایی كردووه‌.

سەعید وەلى بەگ سەعید، ناسراو بە (سەعید بارزانى)، پێشمەرگە و هەڤاڵى بارزانى بۆ یەکێتى سۆڤیەت، شۆڕشى دووەمى بارزان خەباتکاربووە، لە کۆمارى دیموکراتى کوردستان لە مهاباد پێشمەرگە و ئەفسەر بووە، لە هەردوو شۆڕشى ئەیلوول و شۆڕشى گوڵان پێشمەرگە بووە، لە پێشمەرگایەتیدا پلەى فەرماندەى هێز بووە و جارێک برینداربووە، بەرپرسى ناحیەى سیدەکان بووە، هەڵگرى میدالیاى بارزانییە، ساڵى ٢٠١٦ لە پیرمام کۆچى دوایى کردووە.

سەعید عەبدوڵا قاسم، ناسراو بە (سەعید مەلا عەبدوڵا)، پێشمەرگە و هەڤاڵى بارزانى بۆ یەکێتى سۆڤیەت، لە کۆمارى دیموکراتى کوردستان لە مهاباد پێشمەرگە بووە، بەشداریى لە شۆڕشى ئەیلوول کردووە، له‌ ڕێكه‌وتی ٣١ ته‌مووزی ١٩٨٣ له‌ ئۆپراسیۆنی ئه‌نفالی بارزانییه‌كان له‌لایه‌ن حكومه‌تی عێراقی شوێنبزر کراوە.

سەعید عەبدولوەهاب شێخ ئۆمەر، پێشمەرگە و هەڤاڵى بارزانى بۆ یەکێتى سۆڤیەت، لە شۆڕشى دووەمى بارزان خەباتکاربووە، لە شۆڕشى ئەیلوول پێشمەرگە بووە، لە شۆڕشى گوڵان بەشداربووە، لە پێشمەرگایەتیدا فەرماندەى بەتالیۆن بووە، هەڵگرى میدالیاى بارزانییە، له‌ ڕێكه‌وتی ١٨ حوزه‌یرانی ٢٠٠١ له‌ پیرمام كۆچی دوایی كردووه‌.

ئەحمەد حەمۆ مەلاشین ناسراو به‌ ئەحمەد بێداوی، پێشمه‌رگه‌ و ‌هه‌ڤاڵی بارزانی بۆ یەکێتی سۆڤیەت‌، له‌ گوندی بێداو له‌دایكبووه‌ و له‌ یه‌كێتی سۆڤیەت كۆچی دوایی كردووه‌.

حەجی ئەحمەد سوار ناسراو به‌ حه‌جی ماشۆ، پێشمه‌رگه‌ و ‌هه‌ڤاڵی بارزانی بۆ یەکێتی سۆڤیەت، ساڵی ١٨٩٠ له‌ گوندی ئوره‌مار لە باكووری كوردستان له‌دایكبووه‌، لە پێشمەرگایەتیدا سەرپەل بووە، ساڵی ١٩٨١ کۆچی دوایی کردووە.

سەعید ئەبابەکر شێخ، ناسراو بە (سەعید بیبەکر)، پێشمەرگە و هەڤاڵى بارزانى بۆ یەکێتى سۆڤیەت، لە شۆڕشى دووەمى بارزان خەباتکاربووە، لە کۆمارى دیموکراتى کوردستان لە مهاباد پێشمەرگە بووە، لە شۆڕشى ئەیلوول بەشداربووە و لە پێشمەرگایەتیدا سەرلق بووە، ساڵى ١٩٩٣ لە قوشتەپە کۆچى دوایی کردووە.

خەلیل شێخۆ مح ناسراو بە (خەلیل شێخۆ مەمودی)، پێشمەرگە و هەڤاڵى بارزانى بۆ یەکێتى سۆڤیەت، ساڵى ١٩٢٨ لە گوندى سپیندار لەدایکبووە، لە کۆمارى کوردستان لە مهاباد پێشمەرگە بووە، بەشدارى شۆڕشى ئەیلوولى کردووە، لە شەڕى چیاى مەتین برینداربووە، لە پێشمەرگایەتى سەرپەل بووە، ساڵى ١٩٦٣ شەهیدبووە.

ئیبراهیم حسێن ئەحمەد پێشمه‌رگه‌ و ‌هه‌ڤاڵی بارزانی بۆ یەکێتی سۆڤیەت، ساڵی ١٩٢٠ له‌ گوندی خه‌ردنى سه‌ر به‌ ناحیه‌ی گۆڕه‌توو له‌ قه‌زای مێرگه‌سۆر له‌ پارێزگای هه‌ولێر له‌دایكبووه‌، ساڵی ١٩٨٨ له‌ كۆماری ئیسلامی ئێران كۆچی دوایی كردووه‌.

ئیبراهیم خۆشەوی رەشید ناسراوه‌ به‌ (ئیبراهیم ناڤخۆش)، پێشمه‌رگه‌ و ‌هه‌ڤاڵی بارزانی بۆ یەکێتی سۆڤیەت، ساڵی ١٩٢٢ له‌ گوندی پالاناى سه‌ر به‌ ناحیه‌ی شێروان مه‌زن له‌ قه‌زای مێرگه‌سۆر له‌ پارێزگای هه‌ولێر له‌دایكبووه‌‌، له‌ ٣١ی ته‌مووزی ١٩٨٣ له‌ پرۆسەی ئه‌نفالی بارزانییه‌كاندا له‌لایه‌ن حكومه‌تی عێراقەوە له‌ كۆمه‌ڵگای قوشته‌په‌ی سەر بە پارێزگای هه‌ولێر شوێن بزر کراوە.

خەلیل عەلى سلێمان، ناسراو بە (خەلیل ئاڤەدۆرى و خەلیل مەلا عەلى)، پێشمەرگە و هەڤاڵى بارزانى بۆ یەکێتى سۆڤیەت، ساڵى ١٩٠٠ لە گوندى ئاڤەدۆر لەدایکبووە، لە کۆمارى کوردستان لە مهاباد پێشمەرگە بووە، له‌ ساڵى ١٩٨٣ له‌ ئۆپراسیۆنی ئه‌نفالی بارزانییه‌كان له‌لایه‌ن حكومه‌تی عێراقی له‌ كۆمه‌ڵگای قوشته‌په‌ شوێنبزرکراوە.