حسێن محەمەد عەوڵا قادر، لە ساڵی ١٩٤٠ لە گوندی سپیگرەى سەر بە ناحیەی هیرانی سه‌ربه‌ قه‌زای شه‌قڵاوه‌ لەدایکبووە، پێشمەرگەى شۆڕشى ئەیلوول بووە، لە ساڵی ١٩٦٥ لە بۆسەیەکدا دەکەوێتە دەست دوژمن و شەهید دەبێت، یەکێکە لەو پێشمەرگانەی کە گۆڕی نادیارە.

سەلیم عەلی فەقێ محەمەد، لە ساڵى ١٩٥١ پەیوەندی بە ڕێکخستنەکانی پارتی دیموکراتی کوردستان کردووە، بۆ ماوەی ٨ ساڵ زیندانی سیاسی بووە، لە شۆڕشی ئەیلوول پێشمەرگە بووە، لە ژیانی پێشمەرگایەتی جارێک بریندار بووە، لە ساڵی ١٩٦٥ لە چیای سەفین شەهید بووە.

خاڵند حەسکۆ ئیبراهیم، له‌گه‌ڵ هه‌ڵگیرسانی شۆڕشی دووه‌می بارزان (١٩٤٣_١٩٤٥) ده‌بێته‌ پێشمه‌رگه‌ و به‌شداری له‌ داستانه‌كانی ئه‌و سه‌رده‌مە ده‌كات و پاش تێكچوونی شۆڕشیش له‌گه‌ڵ بارزانییه‌كان ڕێگای ڕۆژهه‌ڵاتی كوردستان ده‌گرێته‌به‌ر و له‌ كۆماری كوردستان-مهابادیش وه‌كو پێشمه‌رگه‌ به‌شداری ده‌كات....

خەلیل حەمەد عەلی حەمەدەمین، لە ساڵی ١٩٨١ پەیوەندی بە شانەی ڕێکخستنەکانی پارتی دیموکراتی کوردستان کردووە، لە شانەى چەکداریى ناوەوە و دەرەوەى بەشداربووە، لە ساڵى ١٩٨٨ لە گوندى بەرەکە شەهید بووە.

نوری ئەنوەر عەبدولغەفور ئیبراهیم، ساڵى ١٩٥٠ لە گوندى پڵنگەى سەر بە شەقڵاوە لە دایکبووە، بەشداریى شۆڕشی ئەیلوولى کردووە، لە پێشمەرگایەتیدا پلەى سەرلق بووە و بڕیار بووە ببێ بە فەرماندەى بەتالیۆن، ساڵى ١٩٧٤ لە رێگای نێوان قەسرێ-خانەقا کەوتووەتە بەر بۆمبارانی فڕۆکەی دوژمن و شەهید دەبێت.

سەردار ئەمیر عاز عەزیز، لە ساڵی ١٩٦٣ لە شاری ‌هەولێر لە دایکبووە. پێشمەرگەى شۆڕشی گوڵان بووە، لە ساڵی ١٩٨٣ لە چیای قەندیل شەهید بووە.

سەفین عوسمان عەبدوڵا، لە ساڵى ١٩٦١ لە شارۆچکەی شەقڵاوە لەدایکبووە، ئەندامى یەکێتى قوتابیانى کوردستان بووە، لە ڕێکخەر و پێشڕەوەکانى خۆپیشاندانەکەى ساڵى ١٩٨٧ى شەقڵاوە بووە، دەستگیردەکرێت و دواى شەش مانگ لە بەندکردن، لە سێدارە دەدرێت.

چیمەن مورشید مەلا شێخە لە ساڵی ١٩٥٦ لە شارۆچکەی شەقڵاوە لە دایکبووە ، مامۆستای قوتابخانە بووە، لە ساڵی ١٩٨٧ لەلایەن ڕژێمى بەعسەوە شەهید دەکرێت.

گەیلان مستەفا محەمەد عەلی لە ساڵی ١٩٦٣ لە شارۆچکەی شەقڵاوە لەدایکبووە. باوکی شەهیدە و پێشمەرگەی شۆڕشی ئەیلوول بووە، لە ساڵی ١٩٨٧ دواى بەشداریکردنى لە خۆپیشاندانى شارى شەقڵاوە، دەستبەسەر دەکرێت و لە سێدارە دەدرێت.

وشیار کەمال ڕەسول محەمەد ناسراو بە (ملازم)، لە ساڵى ١٩٦٢ لە گوندی چنێرانى سەر بە شارەدێى هیران لە دایک بووە، لە پێشمەرگایەتیدا بەرپرسى مەفرەزە بووە و یەک جار برینداربووە، لە ساڵی ١٩٨٧ لە نێوان هەردوو گوندى ئاقوبان، پونگینە شەهید دەبێت.

ئازاد سلێمان میران ناسراو بە (ئازاد میران)، لە ساڵى ١٩٤٨ لە قەزای شەقڵاوە لەدایکبووە، قوتابى بەشى کوردى زانکۆى بەغدا و کادیرێکى دیار و چالاکى یەکێتى قوتابیانى کوردستان بووە، لە ساڵی ١٩٦٨ پەیوەندی بە هێزی پێشمەرگە کوردستانەوە کردووە. لە ڕێکەوتى ١٣ی ئایاری ١٩٧٤ لەگەڵ پۆلێک لە هەڤاڵانى لە شاری بەغدا لە سێدارە دەدرێن.

گۆرگیس یوسف مەتێ، لە ساڵی ١٩٥٠ لە شارۆچکەی شەقڵاوە لە دایکبووە، پێشمەرگەی هەردوو شۆڕشی ئەیلوول و شۆڕشی گوڵان بووە. لە ساڵی ١٩٦٤ چووەتە ڕیزى ڕێکخستنەکانى  پارتی ، دواى نسکۆ ئاوارەى ئێران بووە، دوو جار برینداربووە، لە ساڵی ١٩٨٨ بە مۆڵەت دەگەڕێتەوە بۆ شەقڵاوە، بەڵام لە رێگادا لەلایەن رژێمی بەعسەوە دەستبەسەردەکرێت و تا ئێستاش بێ سەروشوێنە.