عەلی مەحمود مرادخان کەیانی، ساڵى ١٩٥٩ پەیوەندی بە ڕێکخستنە نهێنییەکانى پارتی دیموکراتی کوردستان کردووە، ساڵى ١٩٦١ پەیوەندى بە هێزى پێشمەرگەى شۆڕشى ئەیلوول کردووە، ساڵى ١٩٦٨ شەهید بووە.

بێستون حسێن محەمەد مەحمود، ساڵى ١٩٧٦ لە هێزى هەورامانى پارتی دیموکراتى کوردستان بۆتە پێشمەرگە، ساڵى ١٩٧٨ لەگەڵ دووهاوسەنگەرى دەسگیر دەکرێن، ساڵى ١٩٧٩ لە بەندیخانەى موسڵ لە سێدارەدراوە.

ڕەسوڵ سالار فەرەج مەحەمەد، ساڵى ١٩٨٢ پەیوەندى بەهێزى پێشمەرگەى شۆڕشى گوڵان کردووە و لە لێژنە ناوچەى هەڵەبجەى سەر بە لقى چوارى پارتی دیموکراتى کوردستان بۆتە پێشمەرگە، ساڵى ١٩٨٣ لەکاتى ئەنجامدانى چاڵاکیەکى پارتیزانى لە شارى هەڵەبجە لەلایەن ئەمنى ڕژێم دەستگیر دەکرێت و ساڵى ١٩٨٥ بەرلێبوردنى گشتى دەکەوێت و ئازاد دەکرێت، لە ١٠ى تشرینى یەکەمى ١٩٧٨ شەهید دەبێت.

حسێن محەمەد عەبدوڵا خاڵە، ساڵى ١٩٧٩ پەیوەندى بەهێزى پێشمەرگەى شۆڕشى گوڵان کردووە و لە ڕێکخراوى سیروانى سەر بە لێژنە ناوچەى خانەقینى لقى سێی پارتی دیموکراتى کوردستان بۆتە پێشمەرگە، لە ٦ى شوباتى ١٩٨٢ بەهۆى بۆردومانى فڕۆکەى حکومەتى عێراقى شەهید بووە.

قادر سالار فەرەج محەمەد، ساڵى ١٩٧٤ پەیوەندى بە هێزى پێشمەرگەى شۆڕشى ئەیلوول کردووە، ساڵى ١٩٧٤ لە شەڕی چیای زۆزک شەهید بووە.

خالید عەزەم تۆفیق، پێشمەرگەی شۆڕشی گوڵان بووە، لە ژیانی پێشمەرگایەتی یەکجار بریندار بووە، لە ساڵی ١٩٨٢ لە دەڤەری تاگۆزی دوای ڕووبەڕوو بوونەوە لەگەڵ سەربازانی ڕژێمی بەعس بە برینداری دەستبەسەر کراوە و هەر ئەو شەوە فیشەک باران کراوە و شەهید بووە.

حەمەعەلی محەمەد سەعید، پێشمەرگەی شۆڕشی ئەیلوول بووە، لە ساڵی ١٩٦٩ لە سەنگەری بەرگری لە دەشتی شارەزوور لەلایەن گرووپی ئیبراهیم ئەحمەد شەهید کراوە.

خالید ئەحمەد فەقێ، پێشمەرگەی شۆڕشی ئەیلوول بووە، لە ساڵی ١٩٦٤ لە ئەنجامی هێرشی تاقمى ئیبراهیم ئەحمەد بۆ سەر سەنگەری پێشمەرگە فیشەک بەر سەری کەوتووە و شەهید بووە.

شەهید محەمەد عەبدولکەریم محەمەد، پێشمەرگەی هەردوو شۆڕشی ئەیلوول و شۆڕشی گوڵان بووە، لە ژیانی پێشمەرگایەتی یەکجار بریندار بووە و پلەی سەرپەلی وەرگرتووە، ساڵی ١٩٨١ لە نزیک گوندی گرێزەی دەشتی شارەزوور لەگەڵ برایەکی کەوتوونەتە بۆسەی هێزێكی یه‌كێتی و شەهید بوونە.

شەهید محەمەد حەمەکەریم حەمەسادق، لە دوای نسکۆی شۆڕشی ئەیلوول ئاوارەی وڵاتی ئێران بووە، پێشمەرگەی شۆڕشی گوڵان و ڕاپەڕینە جەماوەرییەکەی خەڵکی کوردستان بووە، لە ژیانی پێشمەرگایەتی یەکجار بریندار بووە، لە ساڵی ١٩٩١ و لە ئازادکردنی قەزای سەیدسادق شەهید بووە.

ئەبوبەکر مەحمود حەمەشەریف، پێشمەرگەی هەردوو شۆڕشی ئەیلوول و شۆڕشی گوڵان بووە، هاوشانی خۆی خێزانەکەی پێشمەرگەی شۆڕشی گوڵان بووە و ساڵی ١٩٨٦ شەهید بووە، لە ژیانی پێشمەرگایەتی یەکجار بە سەختی بریندار بووە و پلەکانی جێگری سەرلقی لە شۆڕشی ئەیلوول و فەرماندەی بەتالیۆن و ئەندامی لێژنە ناوچەی لە شۆڕشی گوڵان وەرگرتووە، ساڵی ١٩٨١ ئەبوبەکر شەهید بووە.

ئەسەد وسیەن غەفور، کادری ڕێکخستنەکانی پارتی دیموکراتی کوردستان بووە، زیندانی سیاسی بووە، پێشمەرگەی ڕاپەڕینە جەماوەرییەکەی خەڵکی کوردستان بووە، لە ژیانی پێشمەرگایەتی یەکجار بریندار بووە، ساڵی ١٩٩١ لە ئازادکردنی شاری سلێمانی لە بەردەم ئەمنە سورەکە سلێمانی شەهید کراوە.