محەمەد تاهیر نەبی شاهین، ساڵی ١٩٩١ پەیوەندی بە ڕێکخستنەکانى پارتی دیموکراتی کوردستان دەکات، لە ڕۆژی ١٨ی حوزەیرانی ساڵی ١٩٩٨، لە چیای سەقەر لەدەڤەری سیدەکان لەشەڕی بەرگریکردن لە سەروەری یاسا بەدەستی چەکدارانی پەکەکە (pkk) شەهید بووە.

محەمەد زیاد محەمەد ئەمین، ساڵى ١٩٤٠ لە گوندى فەقیانى سەر بە قەزاى ڕواندزی پارێزگاى هەولێر لەدایک بووە، خێزاندار بووە و خاوەنى منداڵ بووە، محەمەد زیاد کەسایەتى گوندى فەقیان بووە و کارى بۆ باشترکردنى ڕەوشى ژیانى گوندنشینان کردووە.

لە ٦ی تشرینى دووەمى ساڵى ٢٠٢٢ لە کۆنگرەى ١٤یەمى پارتی دیموکراتی کوردستان لە شاری دهۆک لەلایەن ئەندامانى کۆنگرە بە ئەندامى کۆمیتەى ناوەندى هەلبژێردرا.

مستەفا عومەر سێوک لێلکانى، ساڵى ١٩٧٣ لە گوندى لێلکانى ناحیەى سیدەکان سەر بە پارێزگاى هەولێر لەدایک بووە، تا قۆناغى سەرەتایی خوێندووە، ساڵى ١٩٨٨ ئاوارەى وڵاتى ئێران دەبێت، ساڵى ١٩٩١ دواى ڕاپەڕینى جەماوەرى باشوورى کوردستان دەگەڕێتەوە باشوورى کوردستان.

مەقسود فەقێ ئۆمەر حەمەد، ساڵى ١٩٥٥ لە گوندی ئامۆکا سەر بەناحیەى حەریر قەزاى شەقڵاوەی پارێزگاى هەولێر لەدایک بووە، خێزاندار بووە و خاوەنى چوار کوڕ و دوو کچە.

مستەفا سۆفی عەلی، ناسراو بەمستەفا فڕنیچی، ساڵى ١٩٤٧ لە گوندى فەقیانى سەر بە قەزاى ڕواندزى پارێزگاى هەولێر لەدایک بووە، ساڵى ١٩٧٥ دواى نسکۆى شۆڕشى ئەیلوول ئاوارەى وڵاتى ئێران دەبێت و لە شارى ساوە نیشتەجێ دەبێت، ساڵى ١٩٩٣ دواى ڕاپەڕینى خەڵکى باشوورى کوردستان بۆ شارى ڕواندز دەگەڕێتەوە.

محەمەد خدر محەمەد، ناسراو بە مەمەدەڕەش ڕواندزى، ساڵى ١٩٣٢ لە گوندى کانییە قوڕى قەزاى ڕواندزى پارێزگاى هەولێر لەدایک بووە، لەتەمەنى منداڵى باوکى کۆچى دوایی دەکات، بۆیە لەبەر ئەرکى بەرپرسیاریەتى ماڵ بەخێوکردن نەیتوانیوە بچێتە بەر خوێندن. ساڵى ١٩٥٥ ژیانى هاوسەرگیرى پێکهێناوە، خاوەنى شەش کوڕ و کچێک بووە.

محەمەد زەکی حەسەن، ساڵی ١٩٥٣ لە گوندی بییە لە دەڤەری بەرێگارێ سەر بەقەزای ئامێدی پارێزگاى دهۆک لەدایک بووە، ساڵی ١٩٧٤ پەیوەندی بە هێزى پێشمەرگەى شۆڕشی ئەیلوول دەکات و لە هێزی هەڵگورد لەلای دلۆڤان ساڵح عەبدولعەزیز بۆتە پێشمەرگە، ساڵی ١٩٧٥ دوای نسکۆی شۆڕشی ئەیلوول ئاوارەى وڵاتى ئێران بووە و چووەتە شاری نەغەدە لە ڕۆژهەڵاتی کوردستان و دواتر لە ئوردۆگای جەهرم نیشتەجێ کراوە و لەوێوە گواستراوەتەوە بۆ شاری زاهیدان لە پارێزگای سیستان و بلوچستان لە رۆژهەڵاتی ئێران.

محەمەد سەلیم ئەحمەد عەبدولڕەحمان باجلوری، ساڵى ١٩٠٢ لە گوندی باجلوری لە ناوچەی زاویتە سەر بە پارێزگای دهۆک لە دایکبووە، یەکێک بووە لە پەیڕەوانی شێخانی بارزان و بەشداری شۆڕشی یەکەمى (١٩٣١-١٩٣٢)ی بارزانى کردووە، دواى نسکۆی شۆڕش لەگەڵ جەنگاوەرانى بارزانی چووەتە باکووری کوردستان و دوای ماوەیەک گەڕاوەتەوە بۆ گوندەکەیان...

محەمەد عومەر عومەر، سالی ١٩٦٦ پەیوەندی بە ڕیزەکانی پارتی دیموکراتی کوردستانەوە دەکات و بۆتە پێشمەرگە، ساڵی ١٩٦٦ لە چیای زۆزک بەهۆی تۆپبارانی رژێمی عێراق شەهید دەبێت.

مستەفا مەحمود رەسول، سالی ١٩٨٧ پەیوەندی بە ڕیزەکانی پارتی دیموکراتی کوردستانەوە دەکات و دەبێتە پێشمەرگە، ساڵی ١٩٨٨ لە دۆڵی شاورێ بەدەستی چەکدارانی یەکێتی نیشتمانی کوردستان شەهید دەکرێت.

مستەفا جەعفەر یوسف، ناسراو بە ( سەید مستەفا)، سالی ١٩٦١ پەیوەندی بە ڕیزەکانی پارتی دیموکراتی کوردستانەوە دەکات و بۆتە پێشمەرگە، لە ٥ی کانوونی دووەمی ١٩٧٥ لە گوندی بەرسرین بەهۆی تۆپبارانی رژێمی عێراق شەهید دەکرێت.