مەجید میتۆ ئەحمەد، ساڵی ١٩٥٩ لە گوندی ستونی لە دایک بووە. ساڵى ١٩٧٩ پەیوەندى بە هێزى پێشمەرگەى شۆڕشی گوڵان کردووە، ساڵى ١٩٩٢ پەیوەندى بە هێزی پێشمەرگەى پارتى دیموکراتى کوردستان کردووە و لە سوپاى بارزان بۆتە پێشمەرگە، ساڵى ١٩٩٧ شەهید بووە.

مستەفا شێخ محه‌مه‌د شێخ عه‌بدولسه‌لام عه‌بدوڵا بارزانی، ناسراو به‌ مه‌لا مستەفا بارزانی، جه‌نه‌ڕاڵ مستەفا بارزانی، پێشەوا، سه‌رۆك مستەفا بارزانی و بارزانی مستەفا، لە ١٤ی ئاداری ١٩٠٣ له گوندی بارزانی سەر بە (ویلایەتی مووسڵ) لەدایکبووە، هەڵگیرسێنەری شۆڕشی دووەمی بارزان، دامەزرێنەری لێژنەی ئازادی، جەنەڕاڵ لە کۆمارى کوردستان لە مهاباد، سەرۆکی حکومەتی کاتیی دەرەوەی کوردستان لە باکۆ و دامەزرێنەری پارتی دیموكراتی كوردستان و ڕابەری شۆڕشی مەزنی ئەیلوول بووە، ...

مستەفا حەسەن حەمەدۆک پیرانى، ساڵى ١٩٦٩ لە ناحیەى پیران قەزاى مێرگەسۆر پارێزگاى هەولێر لەدایک بووە، ساڵى ١٩٨٢ پەیوەندى بەڕیزەکانى یەکێتى قوتابیان کردووە. ساڵى ١٩٨٧ پەیوەندى بە هێزى پێشمەرگەى شۆڕشی گوڵان کردووە، ساڵى ١٩٩٦ شەهید بووە.

محەمەدئەمین عەزیز حسێن ناسراو بە (مام هەمزە)، لە ساڵی ١٩٢٧ لە گوندی گردیماوان سەر بە ناوچەی زرارەتی پارێزگای هەولێر لەدایک بووە و لە شۆڕشی ئەیلوول پلەی سەرلق بووە.

مارگرێت جۆرج شێلۆ یەکەم کچە ئاشوورییە کە لەسەرەتای هەڵگیرسانییەوە پەیوەندی بەشۆڕشی ئەیلوول کردووە و لەنێو پێشمەرگە بە "دای کوردستان" ناسرابوو. لەساڵی ١٩٤٢ لە گوندی دووری سەر بە قەزای ئامێدی لە پارێزگای دهۆک لەدایک بووە و شانبەشانی پێشمەرگەی کوردستان بەشداری چەندین داستانی قارەمانانەی کردووە و دیارترینیان داستانی زاویتە بوو، دوای ئەو شەڕە بە بڕیاری سەرکردایەتی شۆڕش دەکرێتە فەرماندەی هێزی پێشمەرگە.

محەمەد سەعید عەبدوڵڕەحمان، ساڵی ١٩٣٩ لە گوندی ئەرگۆش لەدایک بووە، ساڵى ١٩٦١ پەیوەندى بە هێزی پێشمەرگەى شۆڕشی ئەیلوول کردووە، ساڵى ١٩٩٥ شەهید بووە.

محەمەد جەمیل عەلی ( ١٨٩٩-١٩٦٩)، پێشمەرگە و هەڤاڵى بارزانى بۆ یەکێتى سۆڤیەت، بەشداری شۆڕشی یەکەمى بارزان(١٩٣١- ١٩٣٢) و شۆڕشی دووەمی بارزان (١٩٤٣-١٩٤٥)، شۆڕشی ئەیلوول (١٩٦١- ١٩٧٥) کردووە.

محەمەدئەمین شەمدین خالد ( ١٩١٩-٢٠٠٧)، پێشمەرگە و هەڤاڵى بارزانى بۆ یەکێتى سۆڤیەت، بەشداری شۆڕشی دووەمی بارزان (١٩٤٣-١٩٤٥) کردووە، بەشداری شۆڕشی ئەیلوول (١٩٦١- ١٩٧٥) کردووە.

مه‌لا عه‌لی مه‌لا عه‌بدولڕە‌حمان (١٨٩٨-١٩٧٨) ناسراوه‌ به‌ (مه‌لا عه‌لی ژاژوكی)، پێشمەرگە و هەڤاڵى بارزانى بۆ یەکێتى سۆڤیەت، بەشداری شۆڕشی یەکەمى بارزان(١٩٣١- ١٩٣٢) و شۆڕشی دووەمی بارزان (١٩٤٣-١٩٤٥) کردووە و یەکێک بووە لە پێشمەرگەی سوپای کۆماری دیموکراتی کوردستان لە مەهاباد (١٩٤٦).

محەمەد میرزا یونس سندی ل ساڵا ١٩٥٧ ل باژێرێ زاخۆ سەربە پارێزگەها مویسڵ یا وی دەمی (دهۆکا ڤێگاڤێ) هاتییە دنیایێ، ل ٢٣ی خزەیرانا ٢٠٢٣ ب کڕیارەکا تیرورستی هاتیەشەهید کرن

محه‌مه‌د عادۆ خدر دۆله‌مه‌ری (١٩٢٥-١٩٩٩)، ناسراوه‌ به‌ تۆینار، پێشمەرگە و هەڤاڵى بارزانى بۆ یەکێتى سۆڤیەت، بەشداری شۆڕشی دووەمی بارزان (١٩٤٣- ١٩٤٥) کردووە و یەکێک بووە لە پێشمەرگەی سوپای کۆماری دیموکراتی کوردستان لە مەهاباد (١٩٤٦)، بەشداری شۆڕشی ئەیلوول (١٩٦١- ١٩٧٥) و شۆڕشی گوڵان(١٩٧٩- ١٩٩١) و ڕاپەڕینى ساڵى ١٩٩١ خەڵکى باشوورى کوردستانى کردوو، پلەی سه‌ر لق و جێگری هێزی شێخان هەبووە.

مستەفا حاجى عەبدوڵا بەگ مەلاعەزیز، ناسراو بە مستەفا بەگ فەقیانى، ساڵى ١٩٣٩ لە گوندى فەقیانى سەر بە قەزاى ڕواندز پارێزگاى هەولێر لەدایک بووە، ساڵى ١٩٥٦ چووەتە خزمەتى سەربازى لە شارى موسڵ، لە ٨ى ئابى ١٩٧٤ بەهۆی تۆپبارارنى سوپاى عێراق بۆسەر بارەگاى هێزی پێشمەرگە لە هاوینەهەوارى بێخاڵ شەهید بووە.