فارس محەمەد ئەمین حسێن قادر، لەساڵی ١٩٥٢ لە گوندی ڕوست سەر بەشارۆچکەی سمیلانى قەزاى چۆمان پارێزگای هەولێر لەدایک بووە، ساڵی ١٩٧٤ چووتە ڕیزی پێشمەرگەکانی لقی یەک کە محەمەد مەعروف بەرپرسی بووە

فوئاد محەمەد حسێن بەگی مەلکشاهی، ناسراو بە فوئاد حسێن، ساڵى ١٩٤٦ لە شارى خانەقین سەر بە پارێزگاى دیالا لەدایک بووە، خوێندنى سەرەتایی و ناوەندى لە خانەقین خوێندووە، ساڵى ١٩٧١ بەشى پەروەردەى زمانى ئینگلیزى لە زانکۆى بەغدا تەواو کردووە، ساڵى ١٩٨٤ زانستە سیاسیەکانى خوێندووە و بڕوانامەى (Candidate)، بڕوانامەى دکتۆراى (Doctorands) لە پەیوەندییە نێوەدەوڵەتییەکان لە زانکۆی ئەمستردام بەدەست هێناوە.

شەهید فەقێ ڕەسوڵ ڕۆستەم پێشمەرگەی شۆڕشی گوڵان بووە، لە ساڵی ١٩٨٨ لەسێدارە دراوە و شەهید بووە.

فاتیح ئەنوەر پێشمەرگەی شۆڕشی ئەیلوول بووە، لە ساڵی ١٩٦٨ لە شاری چەمچەماڵ شەهید دەبێت.

فەریق حەسەن حسێن، پێشمەرگەی شۆڕشى ئەیلوول، ساڵی ١٩٧٤ لە گوندی سەلمان ئاوا شەهید بووە.

فەقێ مەلا وسو عوسمان، پێشمەرگەی شۆڕشى ئەیلوول، ساڵی ١٩٧٤ لە نزیک گوندی بەرسرین شەهید بووە.

فەتاح حاجی مستەفا، پێشمەرگەی شۆڕشی ئەیلوول، ساڵی ١٩٧٤ لە شەڕی گەلیی عەلی بەگ شەهید دەبێت.

شەهید فەرەج حەسەن محەمەد، پێشمەرگەی هەردوو شۆڕشی ئەیلوول و شۆڕشی گوڵان بووە، لە ژیانی سیاسی خۆیدا پلەی ئەندامی لێژنە ناوچەی وەرگرتووە، لە ساڵی ١٩٨٧ لەلایەن خۆفرۆشێکەوە لەگەڵ دوو هاوسەنگەری لە بارەگادا شەهید کراون.

شەهید فاروق حەمەعەلی، پێشمەرگەی ڕاپەڕینە جەماوەرییەکەی خەڵکی کوردستان بووە، لە ئازادکردنی شاری کەرکووک لە ساڵی ١٩٩١ بە سەختی بریندار بووە و لە نەخۆشخانەی شاری سلێمانی شەهید بووە.

فه‌یزۆ سه‌لیم خان، فه‌رمانده‌و پێشمه‌رگه‌ی شۆڕشی ئه‌یلوول و گوڵان، له‌ده‌سپێكی شۆڕشی ئه‌یلوول په‌یوه‌ندی به‌هێزی پێشمه‌رگه‌ی كوردستان ده‌كات، به‌شداری چه‌ندین شه‌ڕی كردووه‌، دوای کۆنگرەی ٩ی پارتی دیموکراتی کوردستان بە بڕیاری سەرکردایەتی پارتی دەبێتە فەرماندەی بارەگای مەکتەبی سیاسی لە ڕاژان، لە رۆژی١٧ لەسەر ١٨ی تشرینی دووەمی١٩٨٠ شه‌هید بووه‌.

فاتیح محەمەد ئەمین مورته‌زا، ناسراو به‌ فاتیح محەمەد ئەمین به‌گ، فاتیح سیامه‌نسووری و بروسك، مامۆستا و سیاسه‌تمه‌دار، ساڵی ١٩٦٤ له‌ كۆنگره‌ی شەشەم‌ به‌ ئه‌ندامی كۆمیته‌ی ناوه‌ندی پارتی دیموكراتی كوردستان هه‌ڵبژێردراوه‌، ساڵانی ( ٢٠٠١ -٢٠٠٥ )بووه‌ته‌ ئه‌ندامی ئه‌نجوومه‌نی نیشتمانی كوردستان، ساڵی ٢٠٢٠ كۆچی دوایی كردووه‌.

فارس حه‌مه‌د باوه‌، ناسراو به‌ فارس باوه، فه‌رمانده‌ وسیاسه‌تمه‌دار، ساڵی ١٩٥٨ په‌یوه‌ندی به‌ ڕیزه‌كانی پارتی دیموكراتی كوردستانه‌وه‌ كردووه‌، ساڵی ١٩٦٨ كراوه‌ته‌ فه‌رمانده‌ی هێزی ده‌شتی هه‌ولێر، ساڵی ١٩٧٠ له‌لایه‌ن نوێنه‌رانی كۆنگره‌ی هه‌شته‌م به‌ ئه‌ندامی كۆمیته‌ی ناوه‌ندی پارتی دیموكراتی كوردستان هه‌ڵبژێردراوه‌.