ساڵح عه‌لی محه‌مه‌د (١٩١٠-٢٠٠٢ )، ناسراو‌ به‌ ساكۆ عه‌لی یان ساكۆ كانیه‌لنجی، پێشمه‌رگه‌ و ‌هه‌ڤاڵی بارزانی بۆ یەکێتی سۆڤیەت. ، بەشداری شۆڕشی یەکەمی بارزان (١٩٣١-١٩٣٢) و شۆڕشی دووەمی بارزان (١٩٤٣-١٩٤٥) کردووە، یەکێک بووە لە پێشمەرگەی سوپای کۆماری دیموکراتی کوردستان لە مەهاباد (١٩٤٦)، بەشداری شۆڕشی ئەیلوول (١٩٦١-١٩٧٥) و شۆڕشی گوڵان (١٩٧٦-١٩٩١) کردووە، پلەی سەرلق، فەرماندەی سریە، فەرماندەى هێز بووە، هەڵگرى میدالیاى بارزانییە.

سلێمان سلێمان به‌كرخان (١٨٩٨ -١٩٧٤)، ناسراو به‌ سلێمان به‌گ ده‌رگه‌ڵه‌یی، پێشمه‌رگه‌ و ‌هه‌ڤاڵی بارزانی بۆ یەکێتی سۆڤیەت،بەشداری شۆڕشی دووەمی بارزان (١٩٤٣-١٩٤٥) کردووە و یەکێک بووە لە پێشمەرگەی سوپای کۆماری دیموکراتی کوردستان لە مەهاباد (١٩٤٦)، بەشداری شۆڕشی ئەیلوول (١٩٦١-١٩٧٥) کرووە.

دكتۆر سه‌عید ئه‌حمه‌د ئیبراهیم، ناسراو به‌ سه‌عید ئه‌حمه‌د نادر و دكتۆر سه‌عید بارزانی، ئەکادیمی و سیاسەتمەدار، به‌شدارانی شۆڕشی دووه‌می بارزانه‌ (١٩٤٣-١٩٤٥) و لە دوای نسكۆی شۆڕشی له‌گه‌ل مسته‌فا بارزانی چووەته‌ ڕۆژهه‌ڵاتی كوردستان و به‌شداری لە كۆماری دیموكراتی كوردستاندا کردووه‌، له‌ ١٥ی نیسانی ١٩٤٧ له‌گه‌ڵ مسته‌فا بارزانی چووەته‌ یه‌كێتی سۆڤیه‌ت، ساڵی ١٩٧٩ و له‌ كۆنگره‌ی نۆیه‌می پارتیدا بووەته‌ ئه‌ندامی كۆمیته‌ی ناوەندیی پارتی دیموكراتی كوردستان.