حەمەسەعید ئەمین محەمەد ناسراو بە حەمەسەعی ئەمین بەیجە، ساڵی ١٩٣٠ لە پارێزگای سلێمانی لە دایکبووە، ساڵی ١٩٦٤ پەیوەندی بە هێزى پێشمەرگەى شۆڕشی ئەیلوول کردووە، لە تشرینی یەکەمی ١٩٧٤ شەهید کراوە.

حیکمەت عەلى عەبدولکەریم، ساڵى ١٩٣٦ لە شارى هەڵەبجە لە دایک بووە، ساڵى ١٩٥٤ پەیوەندى بە ڕێکخستنەکانى پارتى دیموکراتى کوردستان کردووە، ساڵى ١٩٦١ پەیوەندى بە هێزى پێشمەرگەى شۆڕشی ئەیلوول کردووە، ساڵى ١٩٧٧ پەیوەندى بە ڕێکخستنە نهێنییەکانى پارتى دیموکراتى کوردستان کردووەتەوە، ساڵى ١٩٩٣ کراوەتە بەرپرسی بەشى شەهیدانى پارێزگاى سلێمانى، لە ١٦ى ئابى ١٩٩٦ لە یۆبیلى زێڕینى پارتى دیموکراتى کوردستان، میدالیاى بارزانى نەمرى پێ بەخشراوە.

حاجی ڕەمەزان محەمەد عەلی ناسراو بە (حجی خەنجەر)، سالی ١٩٥٢ لە پارێزگای دهۆک لەدایکبووە، محەمەد عەلی باپیری لەگەڵ شەهید شێخ عەبدولسەلام شەهید بووە، ساڵی ١٩٦٥ و لە تەمەنی منداڵی پەیوەندی بە هێزی پێشمەرگەی شۆڕشی ئەیلوول دەکات. ساڵی ١٩٧٥ دوای نسکۆ ئاوارەی وەڵاتی تورکیا بووە، ساڵی ١٩٧٦ پەیوەندی بە سەرکردایەتی کاتی پارتی دیموکراتی کوردستان دەکات، لە هەڵگرانی مەدالیای بارزانی یە.

حەوێز مەولود خدر عەبدوڵا، لەساڵی ١٩٩١ پەیوەندی بە ریکخستنەکانى پارتی دیموکراتی کوردستان دەکات، لەساڵی ١٩٩٧ لەشەڕی بەرگریکردن لە سەروەری یاسا لەچیای گۆجاڕ بەگوللەی چەکدارانی پەکەکە شەهید بووە.

حەمەد ئیبراهیم عەوڵا لە ساڵی ١٩٥٥ لە گوندى وەسمانى قەزاى چۆمان لەدایک بووە، ساڵی ١٩٧٤ پەیوەندى بەهێزى پێشمەرگەی شۆڕشی ئەیلوول کردووە، لە مانگی ئاداری ١٩٧٥ بە هۆى تۆپبارانى ڕژێمى عێراق بۆسەر هێزى پێشمەرگە شەهید بووە.

حاجی ساڵح حاجی سونێ، ساڵی ١٩٣٤ لە گوندی شاوەیسی سەربە پارێزگای هەولیر لە دایکبووە، ساڵی ١٩٦٥ پەیوەندى بەهێزى پێشمەرگەى شۆڕشى ئەیلوول کردووە و لە هێزى سەفین بۆتە پێشمەرگە، ساڵی ١٩٧٤ لە سەنگەری بەرگری هێزی پێشمەرگە لە چیای سەفین شەهید بووە.

حەمید خواستی ساڵی ١٩٣٩ لەدایکبووە، ساڵی ١٩٦١ پەیوەندی بە هێزى پێشمەرگەى شۆڕشی ئەیلوولەوە کردووە، ساڵى ١٩٧٥ دوای نسکۆی شۆڕشی ئەیلوول ئاوارەى وڵاتى ئێران، ساڵی ١٩٧٦ پەیوەندی بە هێزى پێشمەرگەى شۆڕشی گوڵان دەکات، لەساڵی ١٩٧٩ پلەی بەرپرسی سەربازی لێژنەی ناوچەی زاخۆی پێ سپێردراوە، ساڵی ١٩٨٦ کراوە بە ئەندامی لقی یەک و بەرپرسی سەربازی لق، ساڵی ١٩٩٦ لەبەر خەبات و تێکۆشینی بۆ ڕزگاری کورد و کوردستان و ڕێبازی بارزانی مەدالیای مستەفا بارزانی پێ بەخشراوە، ساڵی ٢٠٠٣ بووتە بەرپرسی دەزگای ئەیلوول لەزاخۆ.

لە ٦ی تشرینى دووەمى ساڵى ٢٠٢٢ لە کۆنگرەی چواردەیەمی پارتی دیموکراتی کوردستان لە شاری دهۆک لەلایەن ئەندامانى کۆنگرە بە ئەندامى کۆمیتەى ناوەندى هەلبژێردرا. 

حاجی خدر عومەر ناسراو بە (حاجی خدر)، لە ساڵی ١٩٥٦ لە گوندی بێغەبار لەناوچەی باتیفا سەر بەقەزای زاخۆ لەدایک بووە، ساڵی ١٩٧٤ پەیوەندی بە شۆڕشی ئەیلوول کردووە و لە بەتالیۆنی چواری حەجی قادۆ (قەدۆ) لەزاخۆ بۆتە پێشمەرگە کە عیسا سوار فەرماندەی بووە، دوای نسکۆی شۆڕشی ئەیلوول لەساڵی ١٩٧٥ گەڕاوەتەوە بۆ ناوچەکەی خۆی، دواتر پەیوەندی دەکات بە شۆڕشی گوڵان و لەگەڵ مەفرەزەکانی مەحۆ گەودا تاکو ساڵی ١٩٨٣ لە زۆربەی شەڕەکان بەشداربووە.

حەیدەر عەلی ناسراوە بە حەیدەر خانی گەرمیان پێشمەرگەی شۆڕشی ئەیلوول و گوڵان بووە، ئەندامی گۆنگرەی نۆیەمی پارتی دیموکراتی کوردستان بووە، لە ساڵی ١٩٨١ لەسەر سنووری نێوان ئێران و عێراق شەهید دەبێت.

ڕەسول حوسێن ناسراو بە حاجی ئاغای کۆسرەتان، ساڵی ١٩٠١ لە گوندی مێرگەی سەر بەناحیەى گەڵاڵەى قەزاى چۆمانى پارێزگاى هەولێر لە دایک بووە. بەشداری کۆماری کوردستانی لە مەهاباد کردووە، دوای ڕوخانى کۆمار گەڕاوەتەوە بۆ گوندی زێوکە لە ناوچەی پیرانشاری ڕۆژهەڵاتى کوردستان و لە ماڵی خزمانی ماوەتەوە بەر لە گەڕانەوەی بارزانی نەمر لە یەکێتی سۆڤیەت و بۆ عێراق، بەشداریی چەند شەڕی دژ بەرژێمی عێراق و هەروەها شەڕی سۆفییەکانی سەر بەشێخ ڕەشیدى لۆڵانی کردووە.

حەلیمە عەبدوڵا ئەحمەد ناسراو بە دایکە حەلیمە، ساڵى ١٩٣٧ لە گوندى پشتاگرى لە ناوچەى زاویتە لە پارێزگاى دهۆک لەدایکبووە، هاوسەری فەرماندە عەبدولهادى محەمەد سەعدۆ سەرپەلى بەتالیۆنى ٤ی محەمەد حەسەن باجلورى بووە، ساڵى ١٩٧٥ عەبدولهادى لە چیاى پشت دهۆک شەهید بووە، دایکە حەلیمە لەگەڵ ٦ کوڕ و ٤ کچى لە گوندەکەیان ماوەتەوە و یەکێکە لەو ئافرەتە فیداکار و ئازایانەی کە هاوسەر و چوار کوڕى لە پێناو ئازادیی کوردستان شەهید بوونە. لە ٢٩ی نیسانى ١٩٩٧ کۆچى دوایی کردووە.