جەبار حەمەدئەمین ئەحمەد حەمەد ناسراوە بە (جەبار حاجی دۆشاو)، پێشمەرگەی شۆڕشی گوڵان بووە، دوای نسکۆی شۆڕشی ئه‌یلوول له‌گه‌ڵ بنەماڵەکەی ئاوارەی وڵاتی ئێران بوونە، پلەی ئەندامی لێژنه‌ ناوچەی شەقڵاوەی وەرگرتووە، لەلایەن ئەمنی شەقڵاوە وە دەستگیرکراووە و تائێستاش هیچ سۆراغێکی نیە و بێ سەروشوێنە .

جەمال هەمزە وسو حسێن، پێشمەرگەی هەردوو شۆڕشی ئەیلوول و شۆڕشی گوڵان بووە، پلەی سەرپەلی وەرگرتووە، دوای نسکۆی شۆڕش ئاوارەی وڵاتی ئێران بووە، لە ساڵی ١٩٨٣ لە گوندی ئێنزە و لێوژەی دەڤەری قەڵادزی شەهید بووە، به‌ فەرمانی سەرۆک مەسعود بارزانی لە ساڵی ٢٠٠٩ بە مەڕاسیمێکی شایستە تەرمه‌كه‌ی گواسترایەوە بۆ شاره‌دێی گۆڕەتو له‌ قه‌زای مێرگه‌سۆر.

شەهید جەمال عەبدوڵا مام خزر پێشمەرگەی شۆڕشی ئەیلوول بووە، لە ساڵی ١٩٦٦ لە سنووری پارێزگای کەرکووک شەهید بووە.

جەعفەر حەمەدئەمین کەریم حەمەدئەمین، پێشمەرگەی شۆڕشی گوڵان بووە، لە ساڵی ١٩٨٠ پلەی فەرماندی کەرتی وەرگرتووە، لە ساڵی ١٩٨٢ لە قەڵای بێجان شەهید بووە.

جه‌ميل فه‌رحان فه‌رحان بلێجانی گولی، پێشمەرگێ شۆرەشا ئەیلوولێ، ل سالا ١٩٥٨ ێ په‌یوه‌ندیێ ب شۆڕشێ وه‌دكه‌ت، سالا ١٩٦١ ێ چه‌كێ پێشمه‌رگاتیێ كه‌ته‌ ملێ خۆ و دبیته‌ پێشمه‌رگه‌، ٥ێ ئایارا ساڵا ١٩٦٢ گوله‌كا توپا دژمنی پێڤه‌ دپه‌قیت و تنێ چه‌ند پارچه‌یه‌كیێن بچیك ژ ڵاشێ وی دمینن و شه‌هید دبیت.

جەمال عەبدوڵا کەریم قادر، ناسراو بە (لەشکری)، له‌ ساڵی ١٩٨٦ په‌یوه‌ندی به‌ شۆڕشی گوڵان ده‌كات و ده‌بێته‌ پێشمەرگه‌ و پلەی ئامری مەفرەزەی پێده‌درێت، له‌ ساڵی ١٩٨٧ لە کیمیابارانی دۆڵی بالیسان بریندار بووە و ساڵی ١٩٨٨ لە وڵاتی تورکیا زیندانی کراوە، لە ساڵی ١٩٨٩ لە کاتی گەڕانەوەى لە چالاکییەک لە چیای قەندیل شەهید بووە.

جەمیل عەلى جەمیل (١٩١٦-١٩٦٣)، ناسراو بە جەم عەلى جەم، پێشمەرگە و هەڤاڵى بارزانى بۆ یەکێتى سۆڤیەت،بەشداری شۆڕشی دووەمی بارزان (١٩٤٣-١٩٤٥) کردووەو یەکێک بووە لە پێشمەرگەی سوپای کۆماری دیموکراتی کوردستان لە مەهاباد (١٩٤٦)، بەشداری شۆڕشی ئەیلوول (١٩٦١-١٩٧٥) کردووە.

جومعە عومەر خزر قادر، ئەندامى یەکێتى قوتابیانى کوردستان بووە، پاش ماوەیەک دەچێتە شانەى چەکدارى، لە کاتی ئەنجامدانی چالاکییەکی پارتیزانی دەستبەسەر دەکرێت، یەکێکە لەو پێشمەرگانەی کە گۆڕی نادیارە.

جەوهەر محەمەد عەلی (١٩٢٠-١٩٨٨)، پێشمەرگە و هەڤاڵى بارزانى بۆ یەکێتى سۆڤیەت بووە، بەشداری شۆڕشی ئەیلوول (١٩٦١-١٩٧٥) کردووە.

جەوهەر حسێن محەمەد (١٩٣٠ -١٩٦٣)، پێشمەرگە و هەڤاڵى بارزانى بۆ یەکێتى سۆڤیەت، بەشداری شۆڕشی دووەمی بارزان (١٩٤٣-١٩٤٥) کردووە و یەکێک بووە لە پێشمەرگەی سوپای کۆماری دیموکراتی کوردستان لە مەهاباد (١٩٤٦)، بەشداری شۆڕشی ئەیلوول (١٩٦١-١٩٧٥) کردووە و سەرلق بووە.

جەمیل عەبدوڵا حەسەن (١٩٢٥-١٩٨٣)، پێشمەرگە و هەڤاڵى بارزانى بۆ یەکێتى سۆڤیەت بووە.

جەلال کەریم وەیسی ناسراو بە جەلال شێخ وەسانی، ساڵی ١٩٦٥ لە شارۆچکەی شەقڵاوە لە دایکبووە. قوتابی قۆناغی ئامادەیی بووە. پەیوەندی لەگەڵ یەکێتی قوتابیانی کوردستان هەبووە. لە ساڵی ١٩٨٧ پەیوەندی بە هێزی پێشمەرگەوە دەکات. لەساڵی ١٩٨٨ بە مەفرەزە دەچنە دەشتی هەریر و دەکەونە بۆسەی دوژمن و شەهید دەبێت.