ئەحمەد مستەفا شوان، ناسراو بە ئەحمەد مستێ، فەرماندە و پێشمەرگەى شۆڕشى دووەمى بارزان و کۆمارى کوردستان و ئەیلوول گوڵان و ڕاپەڕین، ساڵى ١٩٤٣ بەشداری لە شۆڕشى دووەمى بارزان کردووە، ساڵى ١٩٦١ لە هێزی لێکدەر بەشداری شۆڕشى ئەیلوول کردووە، پلەى ئامر بەتالیۆنی لە هێزى باڵەک وەرگرتووە، بەرپرسی ئیدارى و عەسکەرى بووە لە بارەگاى بارزانى.

سدیق بەخشى ئەحمەد (١٩٢٤ -١٩٩٨)، پێشمەرگە و هەڤاڵى بارزانى بۆ یەکێتى سۆڤیەت، بەشداری شۆڕشی دووەمی بارزان (١٩٤٣-١٩٤٥) کردووە و یەکێک بووە لە پێشمەرگەی سوپای کۆماری دیموکراتی کوردستان لە مەهاباد (١٩٤٦)، بەشداری شۆڕشی ئەیلوول (١٩٦١-١٩٧٥) و شۆڕشى گوڵان (١٩٧٦-١٩٩١) و ڕاپەڕینی ١٩٩١ کردووە، هەڵگرى میدالیاى بارزانییە.

سیامەند عەزیز عارس (١٩٢٠-١٩٦٦)، پێشمەرگە و هەڤاڵى بارزانى بۆ یەکێتى سۆڤیەت، بەشداری شۆڕشی ئەیلوول (١٩٦١-١٩٧٥) کردووە و پلەی ئەمر بەتالیۆن بووە.

سلێمان میرخان عارەب (١٩٢٨ -٢٠٠٧)، پێشمەرگە و هەڤاڵى بارزانى بۆ یەکێتى سۆڤیەت، یەکێک بووە لە پێشمەرگەی سوپای کۆماری دیموکراتی کوردستان لە مەهاباد (١٩٤٦)، بەشداری شۆڕشی ئەیلوول (١٩٦١-١٩٧٥) و شۆڕشى گوڵان (١٩٧٦-١٩٩١) کردووە.

سورکان عەباس فەقێ (١٩٢٠-١٩٨٩)، ناسراو بە سورکان مەلا باس، پێشمەرگە و هەڤاڵى بارزانى بۆ یەکێتى سۆڤیەت، بەشداری شۆڕشی دووەمی بارزان (١٩٤٣-١٩٤٥) کردووە و یەکێک بووە لە پێشمەرگەی سوپای کۆماری دیموکراتی کوردستان لە مەهاباد (١٩٤٦)، بەشداری شۆڕشی ئەیلوول (١٩٦١-١٩٧٥) کردووە و پلەی سەرپەل بووە.

خدر عەبدوڵڵا ڕەسوڵ، ناسراو بە خدر دەباغ، پێشمەرگەى شۆڕشی ئەیلوول، سالى ١٩٦٣ پەیوەندى بەهێزى پێشمەرگەى شۆڕشی ئەیلوول کردووە، بۆتە فەرماندەى هێزى تۆپخانەى شۆڕشی ئەیلوول و یاریدەدەرى مەلا مستەفا بارزانى بۆ کاروبارى تۆپخانە.

سلێمان میرخان ئەحمەد (١٩٣٠-١٩٦٢)، پێشمەرگە و هەڤاڵى بارزانى بۆ یەکێتى سۆڤیەت، بەشداری شۆڕشی دووەمی بارزان (١٩٤٣-١٩٤٥) کردووە و یەکێک بووە لە پێشمەرگەی سوپای کۆماری دیموکراتی کوردستان لە مەهاباد (١٩٤٦)، بەشداری شۆڕشی ئەیلوول (١٩٦١-١٩٧٥) کردووە و پلەی سەرلق بووە.

فەرماندە حسۆ مەحمود بابەکر، ناسراو بە حسۆ کانیەلنجى، پێشمەرگەى شۆڕشی ئەیلوول و گوڵان و ڕاپەڕین بووە، ساڵى ١٩٥٩ پەیوەندى بەهێزى پێشمەرگە کردووە ،هەڵگرى میدالیاى بارزانى نەمرە.

فه‌رمانده‌ حەجی میرخان ئه‌حمه‌د سلێمان، ناسراو به‌ حاجی میرخان دۆله‌مه‌ری، پێشمه‌رگه‌ی شۆڕشی ئەیلوول و شۆڕشی گوڵان و ڕاپه‌ڕین، له‌ ٧ی ته‌مووزی ١٩٦٢ پله‌ی سه‌رقۆڵی وه‌رگرتووه‌، ساڵی ١٩٧٠ بۆته‌ به‌رپرسی لێژنه‌ ناوچه‌ی ئاكرێ، ئه‌ندامی ده‌زگای باڵای ئه‌یلوول و به‌رپرسی لێژنه‌ی ئه‌یلووله‌ له‌ سۆران و مێرگه‌سۆر.

ئه‌یلوولی ١٩٨٧ له‌ ناوچه‌ی کانی ماسێ ده‌ڤه‌ری بادینان شه‌ڕێكی گه‌وره‌ له‌ نێوان هیزی پێشمه‌رگه‌ و سوپای عێراق ڕوویدا، به‌ داستانی کانی ماسێ ناسرا، هێزی پێشمه‌رگه‌ هێرشی كرده‌ سه‌ر ژماره‌یه‌ك بنكه ‌و باره‌گای سه‌ربازی سوپای عێراق، دوای شه‌ڕێكی گه‌رم و خوێناوی پێشمه‌رگه‌ توانی ده‌ست به‌سه‌ر ته‌واوی خاڵه‌ سه‌ربازییه‌كاندا بگرێت و زیانێكی گه‌وره‌ به‌ هێزه‌ سه‌ربازییه‌كانی سوپای عێراق بگه‌یه‌نێ له‌ كوژراو و بریندار و به‌دیل گرتن.

له‌ ٥ی كانوونی دووه‌می ١٩٨٧ سوپای عێراق و هێزه‌ چه‌كداره‌كانی به‌كرێگیراو (جاش) به‌ پاڵپشتی تانك و زریپۆش و تۆپ و فڕۆكه‌ی جه‌نگی، هێرشێكی به‌ربڵاویان بۆ سه‌ر هێزی پێشمه‌رگه‌ ئه‌نجام دا له‌ ناوچه‌ی ئەترۆش و شێخان و ده‌وروبه‌ری، شه‌ڕه‌كه‌ بۆ ماوه‌ی ١٣ تا ١٥ ڕۆژ درێژه‌ی هه‌بوو، هه‌رچه‌نده‌ هێزه‌كانی حكومه‌ت توانیان ده‌ست به‌سه‌ر هه‌ندێك شوێندا بگرن، به‌ڵام له‌ دوایدا هێزی پێشمه‌رگه‌ به‌ پشتیوانی هێزی به‌رگری میللی دانیشتووی ناوچه‌كه توانیان‌ به‌ره‌نگاریان ببنه‌وه‌ و تێكیان بشكێنن.

شه‌هیدی فه‌رمانده‌ محەمەد حەسەن سه‌لیم ئه‌حمه‌د، پێشمه‌رگه‌ی هه‌ردوو شۆڕشی ئەیلوول و گوڵان، ساڵی ١٩٦١ په‌یوه‌ندی به‌هێزی پێشمه‌رگه‌ی كوردستان كردووه‌، پله‌ی فه‌رمانده‌ی به‌تالیۆنی ٤ی هێزی دهۆكی وه‌رگرتووه‌. له‌ ٢٦ی تشرینی دووه‌می ١٩٨٣ له‌شه‌ڕی شنۆ شه‌هید بووه‌.